- شەرقىي تۈركىستاندا ئۇيغۇرسىز بازار، ئۇيغۇرسىز دۇكانلار كۆپەيمەكتە
- گېرمانىيەدە يەنە بىر خىتاي جاسۇسلۇق قىلىش بىلەن ئەيىبلەندى
- ئۇيغۇر مەجبۇرىي ئەمگىكىنى ئېنىقلايدىغان سۈنئىي ئىدراك سۇپىسى ياسالدى
- ئامېرىكا تاشقى ئىشلار مىنىستىرى خىتاي زىيارىتىنى باشلىدى
- خىتاينىڭ گۇاڭدۇڭ ئۆلكىسىدە ئېغىر كەلكۈن ئاپىتى يۈز بەردى
- ياۋروپا پارلامېنتى مەجبۇرىي ئەمگەك مەھسۇلاتلىرىنى چەكلەش نىزامىنى تەستىقلىدى
- خىتاي مۇداپىئە مىنىستىرلىقى ئۇچۇر ياردەمچى قىسمى قۇرغانلىقىنى ئېلان قىلدى
- گېرمانىيە ئەمەلدارى: خىتاي بىخەتەرلىكىمىزگە تەھدىت
- ئىككى ئەنگلىيە پۇقراسى خىتايغا جاسۇسلۇق قىلىش بىلەن ئەيىبلەندى
- يىللىق دوكلات: خىتاي شەرقىي تۈركىستاندا ئىرقىي قىرغىنچىلىق يۈرگۈزمەكتە
خىتاي خوڭكوڭ نامايىشچىلىرىغا شەرقىي تۈركىستاندىكى تاكتىكىلىرىنى قوللاندى
خىتاي خوڭكوڭ نامايىشچىلىرىغا شەرقىي تۈركىستاندىكى تاكتىكىلىرىنى قوللاندى
ئامېرىكا ئاۋازى تورىنىڭ بۈگۈنكى خەۋىرىدە بىلدۈرۈلۈشىچە، كوممۇنىست خىتاي دائىرىلىرىگە قارشى نامايىش قىلىۋاتقان خوڭكوڭ خەلقى ئۆيىگە قايتىش جەريانىدا بىر توپ گۇمانلىق كىشىلەرنىڭ ھۇجۇمىغا ئۇچرىغان.
خەۋەردە كۆرسىتىلىشىچە، تۈنۈگۈن 400 مىڭدىن ئارتۇق خوڭكوڭ خەلقى «تۇتقۇنلارنى خىتايغا قايتۇرۇش قانۇنى»غا قارشى تۇرۇش، مۇستەقىل تەكشۈرۈش ھەيئىتى تەشكىللەش قاتارلىق تەلەپلەر بويىچە نامايىش قىلغان بولۇپ، بىر قىسىم نامايىشچىلار ئۆيىگە قايتىش جەريانىدا قارا جەمئىيەتكە تەۋە يۈزدىن ئارتۇق كىشىنىڭ ھۇجۇمىغا ئۇچرىغان. زوراۋانلار كالتەك قاتارلىق قوراللار بىلەن نامايىشچىلارنى ۋە بىر قىسىم مۇخبىرلارنى قوغلاپ ئۇرغان. بۇ جەرياندا 45 كىشى يارىلانغان.
ۋەقە يۈز بەرگەندىن كېيىن خەلقئارادا قاتتىق غۇلغۇلا قوزغىغان بولۇپ، بۇ ۋەقەدە خىتاي كومپارتىيەسىنىڭ قولى بارلىقى پەرەز قىلىنغان.
زىيارەتنى قوبۇل قىلغان بىر ھۇجۇمغا ئۇچرىغۇچى زوراۋانلىق ھۇجۇمىنىڭ بىر سائەتتىن ئارتۇق داۋاملاشقانلىقىنى، ئەمما ساقچىلارنىڭ ۋاقتىدا كېلىپ توسمىغانلىقىنى، قەستەن كۆرمەسكە سالغانلىقىنى بىلدۈرگەن. ئەمما ساقچى دائىرىلىرى بۇلارنى ئىنكار قىلغان.