- شەرقىي تۈركىستانغا بېرىپ قايتقان ئۇيغۇرنىڭ بايانلىرى ئېچىنىشلىق ۋەزىيەتنى ئاشكارىلىدى
- خىتاينىڭ نوپۇس كىرىزىسى بۇ يىلمۇ داۋاملاشماقتا
- كورىيەدىمۇ بىر خىتاي جاسۇسى قولغا ئېلىندى
- فىلىپپىن خىتاينىڭ سايلامغا دەخلى قىلىش قىلمىشىنى تەكشۈرۈشكە باشلىدى
- ئەنگلىيە مەجبۇرىي ئەمگەكنى چەكلەشتە يېڭى بىر قەدەم باستى
- خىتاي ئىسلام دۇنياسىدىكى تەسىر كۈچىنى زورايتىش ئۇرۇنۇشلىرىنى داۋاملاشتۇرماقتا
- قومۇل شەھىرىدە يەنە بىر ئالتۇن كان بايقالدى
- ئارتۋىن ۋىلايىتىدە شەرقىي تۈركىستاندىكى ئىرقىي قىرغىنچىلىق تونۇشتۇرۇلدى
- خىتايغا جاسۇسلۇق قىلغان ھەربىي خادىم يەتتە يىللىق قاماق جازاسىغا ھۆكۈم قىلىندى
- مۇتەخەسسىس: تىرامپنىڭ سودا ئۇرۇشى خىتاينىڭ مەجبۇرىي ئەمگەك جىنايىتىنى نىشان قىلىشى كېرەك
ئۇكرائىنا خىتاينىڭ رۇسىيەنى تېخنىكا بىلەن تەمىنلىگەنلىكىنى ئەيىبلىدى
ئۇكرائىنا پىرېزىدېنتى ۋولودىمىر زېلېنسكى خىتاي ئەسكەرلىرىنىڭ رۇسىيە قوشۇنىدا ئۇرۇشقا قاتناشقانلىقىنى ۋە خىتاينىڭ رۇسىيەنى قورال-ياراغ بىلەن تەمىنلىگەنلىكىنى ئارقىمۇ ئارقا ئاشكارىلىغاندىن كېيىن، يەنە خىتايلارنىڭ رۇسىيەدىكى ئادەمسىز ھاۋا ئاپپاراتى (Drone) ئىشلەپچىقىرىش زاۋۇتىدا ئىشلەۋاتقانلىقىنى ئېلان قىلدى.
رويتېرس ئاگېنتلىقىنىڭ بۇ ھەقتىكى خەۋىرىدە بىلدۈرۈلۈشىچە، زېلېنسكى 22-ئاپرېلدىكى ئاخبارات ئېلان قىلىش يىغىنىدا يۇقىرىقى سۆزلەرنى ئوتتۇرىغا قويغان بولۇپ، ئۇ رۇسىيەنىڭ خىتاينىڭ ئۇرۇشتا ئىشلىتىلىدىغان ئادەمسىز ھاۋا ئاپپاراتى ئىشلەپچىقىرىش تېخنىكىسىغا ئېرىشىۋاتقانلىقىغا ئىشارەت قىلغان.
رۇسىيە بىلەن ئۇكرائىنانىڭ ئۇرۇش توختىتىشىنى قولغا كەلتۈرۈش تىرىشچانلىقلىرى داۋاملىشىۋاتقان بىر پەيتتە، زېلېنسكىنىڭ خىتايغا ئالاقىدار باياناتلىرى ئالاھىدە دىققەت قوزغىغان.
خەۋەردە قەيت قىلىنىشىچە، ئۇكرائىنا تاشقى ئىشلار مىنىستىرلىقى خىتاي ئەلچىسىنى چاقىرتىپ، بۇ مەسىلىلەرنى ئوتتۇرىغا قويغان ۋە ئەيىبلەشلەرنى ئىسپاتلايدىغان دەلىللەرنى خىتاي ئەلچىسىگە تاپشۇرغان.
ھازىرغا قەدەر، خىتاي ئۆز ئەسكەرلىرىنىڭ رۇسىيە ئۈچۈن ئۇرۇشقا قاتناشقانلىقىنى، رۇسىيەنى قورال-ياراغ ۋە ئىلغار تېخنىكا بىلەن تەمىنلىگەنلىكىنى ئىنكار قىلدى ۋە ئەكسىچە ئۇكرائىنانىڭ خىتاينى ئاساسسىز ئەيىبلىگەنلىكى ھەققىدە جار سالدى.