- ئامېرىكا مۇداپىئە مىنىستىرى ياپونىيەنىڭ خىتايغا قارشى تۇرۇشتىكى رولىنى ئالاھىدە تەكىتلىدى
- خىتاي «دىۋىزىيە بىلەن يەرلىكنىڭ يۇغۇرۇلۇشى» نامىدا دىۋىزىيەنىڭ رولىنى كۈچەيتمەكتە
- خىتاي زو زۇڭتاڭنىڭ شەرقىي تۈركىستانغا تاجاۋۇز قىلىشى مەدھىيەلەنگەن تىياتىر تەييارلىدى
- تايلاند ھۆكۈمىتى ئەمەلدارلىرى خىتاينىڭ ساختا تەشۋىقاتىغا ماسلاشتى
- خىتاي شەرقىي تۈركىستاننى خىتايلاشتۇرۇش ھەرىكەتلىرىنى كۆپ قاتلاملىق كېڭەيتمەكتە
- شى جىنپىڭ سودا جىددىيچىلىكى سەۋەبلىك خەلقئارالىق شىركەتلەرنىڭ دىرېكتورلىرىنى چاقىردى
- ئامېرىكا بىلەن فىلىپپىننىڭ خىتايغا قارشى ھەمكارلىشىشى كېرەكلىكى تەكىتلەندى
- خىتاي شەرقىي تۈركىستاندا بۇ يىلمۇ روزا تۇتۇشنى پۈتۈنلەي چەكلىدى
- ئامېرىكا مۇداپىئە مىنىستىرى: خىتاينىڭ تەھدىتىگە تاقابىل تۇرۇۋاتىمىز
- خىتاينىڭ سانائەت كىرىمى كۈتۈلمىگەن دەرىجىدە تۆۋەنلىدى
خىتاي دېڭىز ساقچىلىرى بىلەن ياپونىيە بېلىقچى پاراخوتلىرى ئارىسىدا سۈركىلىش چىقتى
خىتاي دېڭىز ساقچىلىرى ياپونىيەنىڭ بېلىقچىلىق پاراخوتلىرىنى قوغلاپ چىقارغان بولۇپ، سىنكاكۇ ئارىلىدىكى تالاش-تارتىش تېخىمۇ كۈچەيگەن.
جەنۇبىي خىتاي سەھەر پوچتىسىنىڭ 25-مارت خەۋەر قىلىشىچە، خىتاي دېڭىز ساقچىلىرى سىنكاكۇ ئارىلى ئەتراپىدىكى تالاش-تارتىش بولۇۋاتقان رايونىدا ياپونىيەنىڭ تۆت بېلىقچىلىق پاراخوتىنى قوغلاپ چىقارغان بولۇپ، خىتاي بۇ رايوننىڭ ئىگىلىك ھوقۇقىغا ئىگە ئىكەنلىكىنى دەۋا قىلغان.
بۇ ۋەقە 21-مارتتىن 24-مارتقىچە بولغان ئۈچ كۈن ئىچىدە يۈز بەرگەن بولۇپ، ياپونىيە خىتاينىڭ شەرقىي دېڭىزدىكى ۋەزىيەتنىڭ كەسكىنلەشتۈرۈۋەتكەنلىكى ھەققىدىكى ئەيىبلەشلەردىن كېيىن ئوتتۇرىغا چىققان. خىتاي باياناتچىسى بۇ ئاراللارنىڭ ئەزەلدىن تارتىپ خىتاي تېررىتورىيەسى ئىكەنلىكى، ياپونىيەنى قانۇنسىز پائالىيەتلىرىنى توختىتىشقا چاقىرىدىغانلىقى ھەققىدە جار سالغان.
ياپونىيە تەرەپ خىتاي پاراخوتلىرىنىڭ رايوندىكى مەۋجۇتلۇقىغا نارازىلىق بىلدۈرگەن بولۇپ، خىتاينىڭ رايوندىكى پائالىيەتلىرىنىڭ كۆرۈنەرلىك دەرىجىدە ئاشقانلىقىنى، بۇ ھەرىكەتلىرىنىڭ قوراللىق پاراخوتلارنىمۇ ئۆز ئىچىگە ئالىدىغانلىقىنى تەكىتلىگەن. بۇ ۋەقە ئامېرىكىنىڭ دىققىتىنى تارتقان بولۇپ، ئامېرىكا ياپونىيە-ئامېرىكا بىخەتەرلىك شەرتنامىسى بويىچە ياپوننى قوغداش ۋەدىسىنى قايتا تەكىتلىگەن.
تەييارلىغۇچى: ئابدۇخەبەر رەجەپ