ئۇنىۋېرسىتېتلاردىن خىتاي ئوقۇغۇچىلار ھەققىدىكى ئۇچۇرلارنى ئاشكارىلاش تەلەپ قىلىندى

ئامېرىكا ئاۋام پالاتاسى كومىتېتىنىڭ رەئىسى ئامېرىكا ئۇنىۋېرسىتېتلىرىدىن خىتاي ئوقۇغۇچىلار توغرىسىدىكى ئۇچۇرلارنى ئاشكارىلاشنى تەلەپ قىلدى.

جەنۇبىي خىتاي سەھەر پوچتىسىنىڭ 20-مارت خەۋەر قىلىشىچە، ئامېرىكا ئاۋام پالاتاسىنىڭ كومىتېت رەئىسى جون مۇلېنار دۆلەت بىخەتەرلىك ئەندىشىسىنى كۆزدە تۇتۇپ، ئىستانفورد ئۇنىۋېرسىتېتى قاتارلىق ئالتە ئۇنىۋېرسىتېتقا مەكتۇپ يوللاپ، بارلىق خىتاي ئوقۇغۇچىلارنىڭ ئۇچۇرلىرىنى تەمىنلەشنى تەلەپ قىلغان. بۇ تەكشۈرۈش ئوقۇغۇچىلارنىڭ ئارقا كۆرۈنۈشى، مەبلەغ مەنبەسى ۋە تەتقىقاتقا قاتنىشىش ئەھۋالىنى بىلىشنى مەقسەت قىلىدىغان بولۇپ، جون مۇلېنار خىتاي ئوقۇغۇچىلارنىڭ خىتاي رېجىمىغا ياردەم بېرىش خەۋپىنى تەكىتلىگەن.

يېقىندا پارلامېنتتا خىتاي پۇقرالىرىنىڭ ئوقۇغۇچى ۋىزىسى ئىلتىماس قىلىشىنى چەكلەش تەكلىپ قىلىنىۋاتقان بولۇپ، بۇ خىتاي بىلەن بولغان ئاكادېمىك ھەمكارلىق مۇناسىۋەتنى تېخىمۇ قاتتىق تەكشۈرۈشكە سەۋەب بولىدىكەن. خىتاي ئوقۇغۇچىلار ئامېرىكىدىكى چەت ئەل ئوقۇغۇچىلىرىنىڭ ئىچىدە سان جەھەتتىن ئىككىنچى ئورۇندا تۇرىدىغان بولۇپ، بولۇپمۇ پەن-تېخنىكا، ئىنژېنېرلىق ۋە ماتېماتىكا ساھەلىرىدە كۆپ ئىكەن.

تەييارلىغۇچى: ئابدۇخەبەر رەجەپ