خىتاي ئىقتىسادىي ئېشىش سۈرئىتىنىڭ كۆرۈنەرلىك ئاستىلايدىغانلىقى مۆلچەرلەنمەكتە

تىرامپنىڭ تاموژنا بېجى خىتاي ئىقتىسادىنى ئاستىلىتىۋاتقان بولۇپ، ئىقتىسادىي ھەمكارلىق ۋە تەرەققىيات تەشكىلاتىنىڭ مۆلچەرىگە قارىغاندا، بۇ يۈزلىنىش دۇنيا سودىسىغا تەسىر كۆرسىتىدىكەن.

جەنۇبىي خىتاي سەھەر پوچتىسىنىڭ 18-مارت خەۋەر قىلىشىچە، ئىقتىسادىي ھەمكارلىق ۋە تەرەققىيات تەشكىلاتى (OECD) خىتاي ئىقتىسادىنىڭ ئاستىلايدىغانلىقىنى مۆلچەرلىگەن. بۇنىڭدىكى ئاساسلىق سەۋەب ئامېرىكا پىرېزىدېنتى دونالد تىرامپ يولغا قويغان يېڭى تاموژنا بېجى ئىكەن.

بۇ يىل خىتاي ئىقتىسادىنىڭ %4.8 ئۆسىدىغانلىقى، 2026-يىلىغا كەلگەندە %4.4 كە چۈشۈپ قالىدىغانلىقى مۆلچەرلەنگەن. قوشۇمچە تاموژنا بېجىنىڭ %20 كە ئۆسۈشى خىتاينى قارشىلىق تەدبىرلىرى قوللىنىشقا مەجبۇرلىغان. سودىنىڭ كەسكىنلىشىشى ئېشىپ، خەلقئارالىق بازارلاردا ئەندىشە پەيدا قىلغان. ئۆستۈرۈلگەن تاموژنا بېجى سودا چىقىمىنى ئاشۇرۇپ، تەمىنلەش زەنجىرىگە، سودا مەبلىغىگە تەسىر كۆرسىتىشى مۇمكىن ئىكەن. خىتاي ئىقتىسادىنىڭ ئاستىلىشىنىڭ يەنە دۇنيا ئىشلەپچىقىرىش ئومۇمىي قىممىتىگە ۋە مەھسۇلات ئىشلەپچىقارغۇچىلارغا تەسىر كۆرسىتىشى مۇمكىنلىكى ئىلگىرى سۈرۈلمەكتە.

تەييارلىغۇچى: ئابدۇخەبەر رەجەپ