تىرامپ ھۆكۈمىتى ئىسرائىلىيەگە زور سوممىلىق قورال سېتىشنى تەستىقلىدى

تىرامپ ھۆكۈمىتى ئىسرائىلىيەگە 3 مىليارد دوللار قىممىتىدىكى زور سوممىلىق قورال سېتىپ بېرىشنى تەستىقلىدى.

ئامېرىكا بىرلەشمە خەۋەر ئاگېنتلىقىنىڭ 1-مارت خەۋەر قىلىشىچە، تىرامپ ھۆكۈمىتى ئادەتتىكى پارلامېنت تەكشۈرۈش تەرتىپىدىن ئەگىپ ئۆتۈپ، ئىسرائىلىيەگە 3 مىليارد دوللار قىممىتىدە قورال سېتىپ بېرىشنى تەستىقلىغان.

بىلدۈرۈلۈشىچە، ئامېرىكا تاشقى ئىشلار مىنىستىرلىقى پارلامېنتقا، ئىسرائىلىيەگە 35,500 دىن ئارتۇق 84 MK ۋە 117 -BLU بومبىلىرى ھەمدە 4,000 دانە ئوۋلىغۇچى سىنارەد ئوق بېشى سېتىپ بېرىلىدىغانلىقىنى ئۇقتۇرغان بولۇپ، بۇ قوراللارنىڭ ئومۇمىي قىممىتى 2.04 مىليارد دوللار ئىكەن.

تاشقى ئىشلار مىنىستىر ماركو رۇبىيو بۇ جىددىي قورال سېتىش قارارىنى ئاقلاپ، بۇنىڭ ئامېرىكىنىڭ دۆلەت بىخەتەرلىك مەنپەئەتىگە ئۇيغۇن كېلىدىغانلىقىنى ئوتتۇرىغا قويغان ۋە مەزكۇر قوراللارنىڭ ئىسرائىلىيەگە كېلەر يىلىدىن باشلاپ يەتكۈزۈلىدىغانلىقىنى بىلدۈرگەن.

بۇنىڭدىن سىرت،  ئامېرىكا ھۆكۈمىتى يەنە 675.7 مىليون دوللار قىممىتىدىكى ئوق-دورا ۋە 295 مىليون دوللار قىممىتىدىكى توپا ئىتتىرىش ماشىنىسى سېتىپ بېرىشنى تەستىقلىغان بولۇپ، بۇلار ئىسرائىلىيەگە 2028-يىلى يەتكۈزۈلىدىكەن.

تەييارلىغۇچى: ئابدۇخەبەر رەجەپ