خىتاي ئۇرۇش تەييارلىقىنىڭ مۇھىملىقىنى تەكىتلىگەن

خىتاي ھەربىي قانۇن-تۈزۈملىرىگە تۈزىتىش كىرگۈزگەن بولۇپ، ئۇرۇش تەييارلىقىنىڭ مۇھىملىقىنى تەكىتلىگەن.

جەنۇبىي خىتاي سەھەر گېزىتىنىڭ 28-فېۋرال خەۋەر قىلىشىچە، خىتاي رېجىمى خىتاي ئارمىيەسىنىڭ قانۇن-تۈزۈملىرىنى تۈزەتكەن بولۇپ، ئاپرېل ئېيىدا كۈچكە ئىگە بولىدىغان مەزكۇر تۈزىتىلگەن نۇسخا ئۇرۇش تەييارلىقى ۋە چەت ئەلدىكى ۋەزىپىلەرنى تەكىتلەيدىكەن.

خىتاي تۈزىتىلگەن قانۇندا ئۇرۇشتا غەلىبە قازىنىشنىڭ ئارمىيەنىڭ بىرىنچى دەرىجىلىك مەسئۇلىيىتى ئىكەنلىكىنى تەكىتلىگەن ۋە ئۇرۇش تەييارلىقىغا دىققەت قىلىشنى تەلەپ قىلغان. بىلدۈرۈلۈشىچە، يېڭى يورۇقلۇقلار ئارمىيە ئىچىدىكى قانۇنىي سىستېمىنى كۈچەيتىپ، تەرتىپ ۋە سادىقلىقنى ئاشۇرۇشنى مەقسەت قىلغان.

قانۇندا ئۇرۇش دەۋرىدىكى باشقۇرۇشنى تەربىيەلەشكە كىرگۈزۈش، قاتتىق ھەربىي مەخپىيەتلىك قوغداش كېلىشىملىرى ۋە چەت ئەل ۋەزىپىلىرىدە دىققەت قىلىشقا تېگىشلىك مەزمۇنلار كىرگۈزۈلگەن. «ئۇرۇش دەۋرى» دېگەن ئىبارىنىڭ قوللىنىلىش چاستوتىسى كۆرۈنەرلىك ئاشقان بولۇپ، گېئوپولىتىكىلىق كەسكىنلىك ئاشقان بىر دەۋردە خىتاينىڭ ئۇرۇش تەييارلىقى ۋە ئىقتىدارىغا ئەھمىيەت بېرىۋاتقانلىقى ئىپادىلەنگەن.

تەييارلىغۇچى: ئابدۇخەبەر رەجەپ