ئىسرائىلىيە قاھىرەگە سۆھبەت ۋەكىللىرىنى ئەۋەتتى

ئىسرائىلىيە پەلەستىنلىك مەھبۇسلارنى قويۇپ بەرگەندىن كېيىنلا سۆھبەت ۋەكىللىرىنى قاھىرەگە ئەۋەتكەن.

ئەلجەزىرە قانىلىنىڭ 28-فېۋرال خەۋەر قىلىشىچە، ئىسرائىلىيە ھاماس بىلەن ئىمزالىغان ئۇرۇش توختىشى كېلىشىمى بويىچە، ئاخىرقى تۈركۈمدىكى 641 پەلەستىنلىك مەھبۇسنى قويۇپ بەرگەن بولۇپ، بۇ قويۇپ بېرىش ئىلگىرى ئىسرائىلىيەلىك ئەسىرلەرنىڭ جەسەتلىرىنى قايتۇرۇش سەۋەبىدىن كېچىكتۈرۈلگەن. ئۇرۇش توختىتىشنىڭ بىرىنچى باسقۇچىدا 2000 دىن ئارتۇق مەھبۇس قويۇپ بېرىلگەن ۋە قىسمەن قوشۇنلار چېكىندۈرۈلگەن، ئەمما يەنىلا ئۇرۇش توختىتىش كېلىشىمىنى بۇزۇش ۋەقەلىرى مەۋجۇت بولۇپ، يېقىندا ئىسرائىلنىڭ غەززەدىكى ئۆلتۈرۈش ۋەقەلىرى داۋاملاشماقتىكەن.

2023-يىل 10-ئايدىن بۇيان، ئۇرۇش 48000 دىن ئارتۇق پەلەستىنلىكنىڭ ئۆلۈشىگە سەۋەب بولغان. ئۇندىن باشقا ئىنسانىي ياردەم يېتەرسىز بولۇپ، ئىككىنچى باسقۇچلۇق سۆھبەت داۋاملاشقان. نۆۋەتتە ئىسرائىلىيە ئۇرۇش توختىتىش مۇددىتىنى ئۇزارتىش بېسىمىغا دۇچ كەلگەن.

ئۇندىن باشقا، رامىزان ئېيى كىرىشى بىلەن، ئىسرائىلىيە مۇداپىئە مىنىستىرلىقى، ساقچى ئىدارىسى، ئىچكى ئىستىخبارات مۇلازىمىتى ۋە ئىسرائىلىيە تۈرمە باشقارمىسى يىغىن چاقىرىپ، رامىزان ئېيىدا مەسجىدى ئەقسادا ناماز ئوقۇيدىغان كىشىلەرنىڭ سانىنى بىر قانچە مىڭ بىلەن چەكلەشنى قارار قىلغان. قارارغا ئاساسەن، رامىزان ئېيىدا مەسجىدى ئەقسادا جۈمە نامىزىغا قاتنىشالايدىغان كىشىلەرنىڭ سانى 10 مىڭ كىشى بىلەن چەكلىنىدىكەن.

تەييارلىغۇچى: ئابدۇخەبەر رەجەپ