تېسلا شىركىتى تىرامپنىڭ غەززە پىلانى سەۋەبلىك ئېمبارگو سادالىرىغا دۇچ كەلدى

تېسلا شىركىتى مالايشىيادا ئېمبارگو چاقىرىقلىرىغا دۇچ كەلگەن بولۇپ، بۇنىڭ سەۋەبى بولسا شىركەتنىڭ باش ئىجرائىيە دىرېكتورى ئېلون ماسك پىرېزىدېنت دونالد تىرامپنىڭ خەلقئارادا كۈچلۈك كۈنتەرتىپكە كەلگەن غەززە پىلانىنى قوللىغان. ئېلون ماسكنىڭ بۇ مەيدانى پەلەستىن دەۋاسىنى قوللايدىغان مالايشىيا مۇسۇلمانلىرىنىڭ غەزىپىنى قوزغىغان.

ئىجتىمائىي ئۇچۇر ۋاسىتىلىرىدا ئېلون ماسكنىڭ دونالد تىرامپنىڭ ۋەزىپىگە ئولتۇرۇش مۇراسىمىدىكى قول ئىشارىتىنى ناتسىستلارنىڭ سىمۋولى بىلەن باغلىغان ئۇچۇرلار كۆپلەپ تارقالغان. لوندوندىكى پائالىيەتچىلەرمۇ تېسلانىڭ ئاپتوموبىللىرىغا پىلاكات چاپلاش ئارقىلىق نارازىلىق بىلدۈرگەن.

گەرچە تېسلانىڭ ئاپتوموبىللىرىغا بولغان تەلەپ كۈچلۈك بولسىمۇ، ئەمما بۇ ماركا خىتاي رەقىبلىرى بىلەن بولغان رىقابەتتە قىيىنچىلىققا دۇچ كەلگەن. تېسلانىڭ ئاپتوموبىللىرىنىڭ بىخەتەرلىك مەسىلىسىمۇ كىشىلەرنىڭ دىققىتىنى تارتقان بولۇپ، بۇ ئىنكاس مالايشىيانىڭ 2050-يىلىغىچە توكلۇق ئاپتوموبىلغا كۆچۈش نىشانىغا توسالغۇ بولىدىكەن. بۇ ۋەزىيەت يەنە خىتاي ماركىلىرىغا پايدىلىق بولۇشى مۇمكىن ئىكەن.

تەييارلىغۇچى: ئابدۇخەبەر رەجەپ