- جامائەت ئەربابى، پېشقەدەم ئىنقىلابچى غۇلامىدىن پاختا ۋاپات بولدى
- خىتاي بىلەن فىلىپپىننىڭ زىددىيىتى بارغانسېرى كەسكىنلەشمەكتە
- ئامېرىكا: رۇسىيە بىلەن تۆت نۇقتىدا كېلىشىم ھاسىل قىلدۇق
- تىرامپ ئامېرىكىنىڭ نەچچە ئەۋلاد داۋاملاشقان رۇسىيە سىياسىتىنى ئۆزگەرتتى
- ھىندىستان رۇسىيە بىلەن ئامېرىكىنىڭ ئايروپىلانى ئارىسىدا تاللاشقا دۇچ كەلدى
- تاراتقۇلار: ھىندىستان تىرامپ سىياسىتىنى پۇرسەت دەپ تونۇماقتا
- خىتايدىن شەرقىي تۈركىستانغا بارىدىغان ئاۋىياتسىيە لىنىيەلىرى داۋاملىق كۆپەيمەكتە
- تىرامپنىڭ تاموژنا جازاسى خىتاينىڭ ئىقتىسادىي قىيىنچىلىقىنى كۈچەيتتى
- فىلىپپىن باشقۇرۇلىدىغان بومبا سىستېمىسى مەسىلىسىدە چىڭ تۇرماقتا
- ئامېرىكا ئىسرائىلىيەگە ۋەيران قىلىش كۈچىگە ئىگە بومبىلارنى ئەۋەتتى
مىيۇنخېن بىخەتەرلىك يىغىنىدا خىتاي مەسىلىسى مۇزاكىرە قىلىندى
مىيۇنخېن بىخەتەرلىك يىغىنىدا، تېخنىكا ساھەسىدە تىركىشىۋاتقان ئامېرىكا بىلەن خىتاي ئوتتۇرىسىدىكى تېخنىكا رىقابىتى نۇقتىلىق مۇزاكىرە قىلىندى.
جەنۇبىي خىتاي سەھەر گېزىتىنىڭ 17-فېۋرال خەۋەر قىلىشىچە، مىيۇنخېن بىخەتەرلىك يىغىنىدا، مۇتەخەسسىسلەر ئامېرىكا بىلەن خىتاي ئوتتۇرىسىدىكى تېخنىكا ساھەسىدە كۈنسېرى كۈچىيىۋاتقان يېڭى سوغۇق مۇناسىۋەتلەر ئۇرۇشى مەسىلىسىنى مۇھاكىمە قىلغان. ئۇلار خىتاينىڭ سۈنئىي ئەقىل ۋە ھەربىي تېخنىكا جەھەتتىكى ئىلگىرىلەشلىرىنى تىلغا ئالغان. سابىق پارلامېنت ئەزاسى مايك گالاگېر ئامېرىكىنىڭ مەبلەغ سېلىش ۋە ئىلغار ئۆزەك ئېكسپورتىنى كونترول قىلىش ئارقىلىق، تېخنىكا ئۈستۈنلۈكىنى ساقلاپ قېلىشىنىڭ زۆرۈرلۈكىنى تەكىتلىگەن.
خەۋەر قىلىنىشىچە، يىغىنغا قاتناشقۇچىلار خىتاينىڭ تېخنىكا جەھەتتە ئامېرىكىدىن ئېشىپ كېتىشىدىن، بولۇپمۇ سۈنئىي ئەقىل جەھەتتە ئېشىپ كېتىشىدىن ئەندىشە قىلىۋاتقانلىقىنى بىلدۈرگەن. يىغىندا ئامېرىكا بىلەن ياۋروپا ئىتتىپاقى ئۈنۈملۈك رىقابەتلىشىش ئۈچۈن ھەمكارلىشىشقا رىغبەتلەندۈرۈلگەن بولۇپ، تەيۋەن ئەتراپىدىكى كەسكىن ۋەزىيەت ۋە ھەربىي تېخنىكا تەرەققىياتىنىڭ تەسىرى قاتارلىق مەسىلىلەر مۇھاكىمىنىڭ ئاساسلىق نۇقتىلىرى بولغان.
تەييارلىغۇچى: ئابدۇخەبەر رەجەپ