ساموئا ھۆكۈمىتى خىتاي خاككېرلىرىنى ئەيىبلىدى

سامۇئا ھۆكۈمىتى خىتاي خاككېرلار گۇرۇپپىسىنىڭ دۆلەت ئورگانلىرىغا قاراتقان تور ھۇجۇمىنى ئەيىبلىدى.

ئاۋسترالىيە ABC تورىنىڭ 12-فېۋرال خەۋەر قىلىشىچە، ساموئا ھۆكۈمىتى خىتاي رېجىمى قوللاۋاتقان APT40 خاككېرلار گۇرۇپپىسىنىڭ ئۆزلىرىنىڭ ھۆكۈمىتى ۋە مۇھىم ئۇل ئەسلىھەلەرگە تور ھۇجۇمى قوزغىغانلىقىنى ئەيىبلىگەن.

بىلدۈرۈلۈشىچە، بۇ تۇنجى قېتىم بىر تىنچ ئوكيان دۆلىتىنىڭ خىتاي رېجىمىغا چېتىشلىق خاككېرلار گۇرۇپپىسىنى تور جاسۇسلۇق قىلمىشى بىلەن ئەيىبلىشى بولۇپ، ساموئا ھۆكۈمىتى خىتاي كومپارتىيەسى قوللىغان APT40 گۇرۇپپىسىنىڭ ئېغىر تەھدىت ئىكەنلىكىنى تەكىتلىگەن.

ئاۋسترالىيە ئەمەلدارلىرى ساموئا ھۆكۈمىتىنىڭ بۇ ئاگاھلاندۇرۇشىنى تىنچ ئوكيان رايونىنىڭ تور مۇداپىئە كۈچىنى ئاشۇرۇشتىكى مۇھىم قەدەم، دەپ ماختىغان ۋە باشقا دۆلەتلەرنىمۇ ئۆزلىرىنىڭ تور تەھدىتى جەھەتتىكى تەجرىبىلىرىنى ئورتاقلىشىشقا رىغبەتلەندۈرگەن. ئەمما خىتاي رېجىمى تور ھۇجۇمى پائالىيەتلىرىگە چېتىشلىق ئىكەنلىكىنى ئىنكار قىلغان.

تەييارلىغۇچى: ئابدۇخەبەر رەجەپ