- تەشكىلاتلار بىرلىكى تايلاندتىكى ئۇيغۇرلارغا جىددىي ياردەم بۇيۇمى ئەۋەتتى
- خىتاي شەرقىي تۈركىستاندىن چىققان ئاسارئەتىقىلەرنى خىتايغا باغلىماقتا
- فىلىپپىن ئەسكەرلىرى ئامېرىكىنىڭ باشقۇرۇلىدىغان بومبا سىستېمىسى تېخنىكىسىنى ئۆگەنمەكچى
- تىرامپ: مەكتەپلەردىكى ھاماس قوللىغۇچىلىرىنى قوغلاپ چىقىرىمەن
- ئەھمەد شەرئى سۇرىيەنىڭ مۇۋەققەت پىرېزىدېنتى بولۇپ سايلاندى
- تۈركىيە پىرېزىدېنتى ھاماس ۋەكىللەر ئۆمىكىنى قوبۇل قىلدى
- خىتاي شەرقىي تۈركىستاندا 2025-يىلىمۇ ئىرقىي قىرغىنچىلىقنىڭ داۋاملىشىدىغانلىقىغا ئىشارەت قىلدى.
- خىتايغا قارىتىلغان ئېمبارگولار كۈچىنى كۆرسەتمەكتە
- خىتاي چاغىنىنىڭ تۇنجى كۈنىنى ئوت ئاپىتى بىلەن كۈتۈۋالدى
- خىتاينىڭ سۈنئىي ئەقىل سۇپىسى ئۇيغۇر ھەققىدە مەلۇمات بېرىشنى رەت قىلغان
تىرامپ: مەكتەپلەردىكى ھاماس قوللىغۇچىلىرىنى قوغلاپ چىقىرىمەن
ئامېرىكا پىرېزىدېنتى دونالد تىرامپ ئامېرىكا ئۇنىۋېرسىتېتلىرىدىكى ھاماسقا ھېسداشلىق قىلغان چەت ئەللىك ئوقۇغۇچىلارنى چېگرادىن قوغلاپ چىقىرىدىغانلىقى ھەققىدە ۋەدە بەرگەن.
ئەلجەزىرە تورىنىڭ 30-يانۋار خەۋەر قىلىشىچە، تىرامپ پەلەستىنلىكلەرنى قوللاپ كۈچ كۆرسىتىش پائالىيەتلىرىگە قاتناشقان چەت ئەللىك ئوقۇغۇچىلارنى قوغلاش مەقسىتىدە چىقىرىلغان ئىجرائىيە بۇيرۇقىغا ئىمزا قويغان بولۇپ، بۇنىڭدىكى مەقسەتنىڭ يەھۇدىي دۈشمەنلىكى ھەرىكەتلىرىگە زەربە بېرىش ئىكەنلىكى بىلدۈرۈلگەن. بۇ بۇيرۇق فېدېراتىپ ھۆكۈمەتكە، قانۇنسىز پاراكەندىچىلىك سېلىش بىلەن ئەيىبلەنگەنلەرنى قانۇنىي يول بىلەن سوتلاش ۋە چېگرادىن قوغلاپ چىقىرىش ھوقۇقى بېرىدىكەن.
خەۋەردە بىلدۈرۈلۈشىچە، تىرامپنىڭ بۇيرۇقى تەنقىدكە ئۇچرىغان بولۇپ، پىكىر ئەركىنلىكى ۋە مۇسۇلمانلار ھوقۇقىنى قوغداش تەشكىلاتلىرى بۇ بۇيرۇقنىڭ پىكىر ئەركىنلىكىگە تەھدىت سالىدىغانلىقىنى ۋە تىنچ نامايىشچىلارنى ئادىل بولمىغان تەرىقىدە نىشانلايدىغانلىقىنى بىلدۈرۈشكەن.
ئۇلار بۇ بۇيرۇقنىڭ ئوخشىمىغان كۆز قاراشلارنى ئىپادىلىگەن ئوقۇغۇچىلارنى ئادالەتسىز يوسۇندا جازالاشقا سەۋەب بولىدىغانلىقىنى تەكىتلىگەن ۋە شۇنداقلا بۇ بۇيرۇقنىڭ ئۇنىۋېرسىتېت مەيدانلىرىدا ئىسرائىلىيەگە قارىتىلغان قانۇنلۇق نامايىش، تەنقىدلەرنى باستۇرۇشى مۇمكىنلىكى توغرىسىدا ئاگاھلاندۇرۇش بەرگەن.
تەييارلىغۇچى: ئابدۇخەبەر رەجەپ