شىۋېتسىيە تەنتەربىيە ۋە مەدەنىيەت جەمئىيىتى ۋەكىلى ئىستانبۇلدىكى تەشكىلاتلارنى زىيارەت قىلدى

شىۋېتسىيە تەنتەربىيە ۋە مەدەنىيەت جەمئىيىتىنىڭ قۇرغۇچى كېڭەش ئەزاسى ئابدۇخېلىل مەننان ئەپەندى 27-، 28- يانۋار كۈنلىرى تۈركىيەدە پائالىيەت قىلىۋاتقان شەرقىي تۈركىستان تەشكىلاتلىرىنى زىيارەت قىلدى.

ئابدۇخېلىل ئەپەندى 27-يانۋار خەلقئارا شەرقىي تۈركىستان تەشكىلاتلار بىرلىكىنى زىيارەت قىلىپ، بىرلىكنىڭ رەئىسى ھىدايەتۇللاھ ئوغۇزخان بىلەن شەرقىي تۈركىستان دەۋاسى ۋە ياشلارنىڭ مەسئۇلىيەتلىرى ھەققىدە پىكىر ئالماشتۇردى.

ئابدۇخېلىل ئەپەندى 28-يانۋار يەنە شەرقىي تۈركىستان ئاخبارات ۋە مېدىيا جەمئىيىتى (ئىستىقلال تېلېۋىزىيەسى)نى زىيارەت قىلىپ، جەمئىيەت رەئىسى ئابدۇلۋارىس ئابدۇلخالىق بىلەن سۆھبەتلەشتى.

ئۇ يەنە شىۋېتسىيە تەنتەربىيە ۋە مەدەنىيەت جەمئىيىتىگە ۋاكالىتەن، شەرقىي تۈركىستان ئۆلىمالار بىرلىكى، سۇتۇق بۇغراخان ئىلىم ۋە مەدەنىيەت ۋەقفى، شەرقىي تۈركىستان تەنتەربىيە ۋە تەرەققىيات جەمئىيەتلىرىنى زىيارەت قىلدى ۋە بۇ جەرياندا تەشكىلات رەھبەرلىرى بىلەن كۆرۈشۈپ، مۇھاجىرەتتىكى شەرقىي تۈركىستان دەۋاسىنىڭ نۆۋەتتىكى تەرەققىيات ئەھۋالى، بولۇپمۇ تۈركىيەدىكى شەرقىي تۈركىستان دەۋاسى ھەققىدە سۆھبەت ئۆتكۈزدى.

تەييارلىغۇچى: ئابدۇخەبەر رەجەپ