- خىتاي شەرقىي تۈركىستاندا بۇ يىلمۇ روزا تۇتۇشنى قاتتىق چەكلىگەن
- خىتاينىڭ «ئىككى يىغىن»ىدىكى بىر قىسىم نۇقتىلار گۇمان قوزغىدى
- ئامېرىكا ئالىي ئەمەلدارى خىتاينىڭ بارلىق ئۆزەكلىرىگە باج قويۇشنى تەلەپ قىلدى
- ئامېرىكا ئۇكرائىناغا قاراتقان ياردەمنى ئەسلىگە كەلتۈردى
- خىتاي ئامېرىكا شىركەتلىرىگە بېسىم قىلىشقا باشلىدى
- بەلۇجىستان ئازادلىق ئارمىيەسى 200 دىن ئارتۇق كىشىنى گۆرۈگە ئالدى
- ئامېرىكا ئاۋام پالاتاسى خىتايغا قارشى ئىككى تۈرلۈك قانۇن لايىھەسى ماقۇللىدى
- خىتاي باش مىنىستىرى تۇغۇتنى ئىلگىرى سۈرۈش سىياسىتىنى تەشەببۇس قىلدى
- خىتاي تەيۋەنگە قارشى بېسىمنى كۈچەيتتى
- ھاماس ئامېرىكا بىلەن بىۋاسىتە سۆھبەتلەشكەن
ئىسرائىلىيە ئۇرۇش توختىتىش توغرىسىدىكى ئاۋاز بېرىشنى كېچىكتۈردى
ئىسرائىلنىڭ ئۇرۇش توختىتىش توغرىسىدىكى بىلەت تاشلاش يىغىنى كېچىكتۈرۈلگەن بولۇپ، تاشقى ئىشلار ئەمەلدارلىرىنى بۇ ھەقتىكى تەپسىلاتلارنى بىر تەرەپ قىلماقتىكەن.
نىيۇيورك ۋاقىت گېزىتىنىڭ 17-يانۋار خەۋەر قىلىشىچە، سۆھبەت ۋەكىللىرى ئىسرائىلىيە بىلەن ھاماس ئوتتۇرىسىدىكى ئۇرۇش توختىتىش كېلىشىمىنىڭ ئاخىرقى تالاش-تارتىشلىرىنى ھەل قىلىش ئۈچۈن تىرىشماقتىكەن. بۇ كېلىشىم ئەسىرلەرنى قويۇپ بېرىش ۋە غەززەدىكى زوراۋانلىقنى توختىتىشنى مەقسەت قىلغان.
بىلدۈرۈلۈشىچە، ئىسرائىلىيە مىنىستىرلار كابىنېتىنىڭ پەيشەنبە كۈنى بۇ كېلىشىم ھەققىدە ئاۋاز بېرىشى پىلانلانغان بولسىمۇ، بىراق سۆھبەت داۋاملىشىۋاتقانلىقى سەۋەبىدىن ئاۋاز بېرىش كېچىكتۈرۈلگەن. ئىسرائىلىيە ھۆكۈمىتىدىكى قاتتىق قوللار بۇ كېلىشىمگە قاتتىق قارشى چىققان بولۇپ، ئوڭچىل قانات مىنىستىر ئىتامار بەن گەۋىر ئەگەر كېلىشىم ماقۇللانسا ئىستېپا بېرىدىغانلىقىنى بىلدۈرۈپ تەھدىت سالغان. كېچىكىش ۋە سىياسىي جىددىيلىككە قارىماي، ئامېرىكا تاشقى ئىشلار مىنىستىرى ئانتونى بىلىنكېن ئۇرۇش توختىتىشنىڭ پىلانلانغىنىدەك يەكشەنبە كۈنى باشلىنىشىغا بولغان ئىشەنچىسىنى بىلدۈرگەن ۋە سۆھبەتنىڭ شەرتلىك بولۇشى مۇمكىنلىكىنى تەكىتلىگەن.
يەكشەنبە كۈنى يولغا قويۇلىدىغان ئۇرۇش توختىتىش كېلىشىمى ئېلان قىلىنغاندىن كېيىن، ئىسرائىلىيە ئۇرۇش ئايروپىلانلىرى غەززە رايونىنىڭ شىمالى ۋە غەززە شەھىرىنى بومباردىمان قىلغان بولۇپ، ھاۋا ھۇجۇملىرىدا كەم دېگەندە 77 پەلەستىنلىك ھاياتىدىن ئايرىلغان.
تەييارلىغۇچى: ئابدۇخەبەر رەجەپ