- ئامېرىكىنىڭ يىللىق دوكلاتى خىتاينىڭ تۈرلۈك جىنايەتلىرىگە مەركەزلەشتى
- خىتاي شەرقىي تۈركىستاندا ئاتالمىش «13 چوڭ ھەرىكەت» لايىھەسىنى تارقاتتى
- ئامېرىكا سۇرىيەنىڭ يېڭى رەھبىرى جەۋلانى ھەققىدىكى تۇتۇش بۇيرۇقىنى بىكار قىلدى
- ئاتالمىش «مائارىپقا ياردەم بېرىش يىغىنى»دا خىتاينىڭ تېررور سىياسەتلىرى تەكىتلەندى
- خىتاي يادرو قوراللىرى زاپىسىنى ئۈزلۈكسىز كۆپەيتمەكتە
- ب د ت سۇرىيەنىڭ دېموكراتىك كېلەچىكىگە ئۈمىدۋار قارايدىغانلىقىنى تەكىتلىدى
- ئۇيغۇر مەجبۇرىي ئەمگىكى ھەققىدە يەنە بىر زور ھەجىملىك دوكلات ئېلان قىلىندى
- خىتاي چېگرادىن ۋىزىسىز كىرىش سىياسىتىنى ئومۇميۈزلۈك بوشاتقانلىقىنى ئېلان قىلدى
- ھىندىستان بىلەن خىتاي مۇناسىۋىتىنى ياخشىلاشقا داۋاملىق تىرىشماقتا
- «دىۋانۇ لۇغاتىت تۈرك» يېزىلغانلىقىنىڭ 950 يىللىقى ب د ت نىڭ خاتىرىلەش تىزىملىكىگە كىرگۈزۈلدى
ب د ت سۇرىيەنىڭ دېموكراتىك كېلەچىكىگە ئۈمىدۋار قارايدىغانلىقىنى تەكىتلىدى
بىرلەشكەن دۆلەتلەر تەشكىلاتى باش كاتىپىنىڭ سۇرىيە ئالاھىدە ۋەكىلى پېسكارا پېگېي چارشەنبە كۈنى سۇرىيە پايتەختى دەمەشققە قىلغان زىيارىتىنى ئاخىرلاشتۇرغاندىن كېيىن: «ب د ت سۇرىيەنىڭ دېموكراتىك كېلەچىكىگە ئۈمىدۋار» دېگەن.
ب د ت ئورگان تورىنىڭ خەۋىرىدە بىلدۈرۈلۈشىچە، پېسكارا پېگېي ئىككى ھەپتە ئىلگىرى نەچچە ئون يىللىق مۇستەبىت ھاكىمىيەتنى ئاخىرلاشتۇرغان، ئالەمشۇمۇل ئۆزگىرىشلەرنى قولغا كەلتۈرگەن سۇرىيە خەلقىنى تىلغا ئېلىپ: «گەرچە سۇرىيەنىڭ ۋەزىيىتى يەنىلا دەسلەپكى باسقۇچتا تۇرۇۋاتقان بولسىمۇ، ئەمما يېڭى بىر سۇرىيە بارلىققا كېلىدىغان تارىخىي بۇرۇلۇش نۇقتىسىدا تۇرۇۋاتىمىز» دېگەن.
ئۇ يەنە ھەر قانداق ئۆتكۈنچى باسقۇچنىڭ بىرلەشكەن دۆلەتلەر تەشكىلاتى خەۋپسىزلىك كېڭىشىنىڭ 2254-نومۇرلۇق قارارىغا قاتتىق ئەمەل قىلىشى كېرەكلىكىنى، بۇنىڭدا يېڭى ئاساسىي قانۇن تۈزۈش، ئەركىن ۋە ئادىل سايلام ئۆتكۈزۈش ۋە سۇرىيە خەلقىنىڭ رەھبەرلىكىدىكى سىياسىي ئۆتكۈنچى باسقۇچنى ئىلگىرى سۈرۈشنى تەلەپ قىلىدىغانلىقىنى تەكىتلىگەن.
پېسكارا پېگگېي يەنە بىرلەشكەن دۆلەتلەر تەشكىلاتىنىڭ سۇرىيە خەلقىنىڭ يۇقىرىقى نىشانىنى ئەمەلگە ئاشۇرۇشىنى تولۇق قوللايدىغانلىقىنى، شۇنىڭ بىلەن بىرگە كەلگۈسىدىكى يولنىڭ يەنىلا ئېگىز-پەس ئىكەنلىكىنى ئېتىراپ قىلىدىغانلىقىنى تەكىتلىگەن.
تەييارلىغۇچى: ئابدۇخەبەر رەجەپ