- دۇنيا ئىنسان ھەقلىرى كۈنىدە شەرقىي تۈركىستان ۋەزىيىتىنىڭ يىللىق دوكلاتى ئېلان قىلىندى
- ئامېرىكا تور ھۇجۇمىغا قاتناشقان خىتاي شىركىتى ۋە شەخسكە جازا يۈرگۈزدى
- خىتاينىڭ ئېلېكتىرونلۇق سودا سۇپىلىرى شەرقىي جەنۇبىي ئاسىيادا ئوڭۇشسىزلىققا ئۇچرىدى
- ئامېرىكىنىڭ خىتايغا قاراتقان جازاسى تەسىرىنى كۆرسەتتى
- قوراللىق گۇرۇپپىلار بېرمىنىڭ ئاساسلىق غەربىي چېگراسىنى كونترول قىلغان
- ئىنسان ھەقلىرى پائالىيەتچىلىرى خىتاينىڭ باستۇرۇشنى تېخىمۇ كېڭەيتكەنلىكىنى تەكىتلەشتى
- تەيۋەن: يېقىن ئەتراپتا خىتاي ئۇرۇش پاراخوتلىرىنىڭ سانى بىر ھەسسە كۆپەيدى
- سۇرىيەدە ئون نەچچە يىل داۋاملاشقان ئۇرۇش قالايمىقانچىلىقى ئاخىرلاشتى
- پاراگۋاي خىتاينىڭ بىر دىپلوماتىنى قوغلاپ چىقاردى
- سومالى دېڭىز تەۋەلىكىدە خىتاينىڭ بېلىقچىلىق پاراخوتى بۇلاندى
دۇنيا ئىنسان ھەقلىرى كۈنىدە شەرقىي تۈركىستان ۋەزىيىتىنىڭ يىللىق دوكلاتى ئېلان قىلىندى
دۇنيا ئىنسان ھەقلىرى كۈنى مۇناسىۋىتى بىلەن، 10-دېكابىر ئىستانبۇلغا جايلاشقان رامى كۇتۇپخانىسىدا شەرقىي تۈركىستان ۋەزىيىتى ھەققىدىكى 2024-يىللىق ئىنسان ھەقلىرى دوكلاتىنى تونۇشتۇرۇش يىغىنى ئۆتكۈزۈلدى.
شەرقىي تۈركىستان ئىنسان ھەقلىرىنى كۆزىتىش جەمئىيىتى ۋە خەلقئارا شەرقىي تۈركىستان تەشكىلاتلار بىرلىكى ئورۇنلاشتۇرغان مەزكۇر يىغىنغا تۈركىيەدىكى بىر قىسىم پارتىيەلەرنىڭ ۋەكىللىرى، تەشكىلات مەسئۇللىرى، ژۇرنالىستلار ۋە جامائەت ئەربابلىرى قاتناشتى.
قۇرئان تىلاۋىتى بىلەن باشلانغان يىغىندا خەلقئارا شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخان ۋە شەرقىي تۈركىستان ئىنسان ھەقلىرىنى كۆزىتىش جەمئىيىتىنىڭ مۇئاۋىن رەئىسى دوكتور ئەلى روزى ئۆزئۇيغۇر ئايرىم-ئايرىم ئېچىلىش سۆزى قىلدى. ئىنسان ھەقلىرىنى كۆزىتىش جەمئىيىتىنىڭ باش كاتىپى ئابدۇلئەھەد ئۇدۇن جەمئىيەتنىڭ خىزمەتلىرى ۋە نەتىجىلىرىنى قىسقىچە تونۇشتۇرۇپ ئۆتكەندىن كېيىن، ئىنسان ھەقلىرىنى كۆزىتىش جەمئىيىتىنىڭ تەتقىقاتچىسى فەياز پىنار قىلىنچ خانىم جەمئىيەت تەييارلىغان شەرقىي تۈركىستان ۋەزىيىتى ھەققىدىكى 2024-يىللىق دوكلات ھەققىدە تەپسىلىي توختالدى.
يىغىننىڭ ئىككىنچى باسقۇچىدا ۋىلدان كادىئوغلى سارىياشار «ئىنسان ھەقلىرى ئۇقۇمى ۋە شەرقىي تۈركىستاندىكى ئىنسان ھەقلىرى دەپسەندىچىلىكى» تېمىسىدا، زەبىنىسو كامالوۋا «شەرقىي تۈركىستاندىكى ئىرقىي قىرغىنچىلىق – سىياسىي ۋە ئىجتىمائىي ئانالىز» تېمىسىدا، ھىلال دۇۋار «خەلقئارالىق قانۇنلارغا ئاساسەن شەرقىي تۈركىستاندىكى ئىرقىي قىرغىنچىلىق» تېمىسىدا، ئابدۇرېشىد ئەمىنھاجى «شەرقىي تۈركىستاندىكى ئىرقىي قىرغىنچىلىق ۋە خەلقنىڭ تەشەببۇسكارلىقى» تېمىسىدا سۆز قىلدى. يىغىننىڭ ئاخىرىدا ئۇلار قاتناشقۇچىلارنىڭ ئالاقىدار سوئاللىرىغا جاۋاب بەردى.
يىغىن جەريانىدا يەنە شەرقىي تۈركىستاندىكى ئىرقىي قىرغىنچىلىق ئەكس ئەتتۈرۈلگەن بىر قىسىم سۈرەتلەر ۋە ئۇيغۇر كۈلتۈرىگە ئالاقىدار تۈرلۈك بۇيۇملار كۆرگەزمە قىلىندى.