- دۇنيا ئىنسان ھەقلىرى كۈنىدە شەرقىي تۈركىستان ۋەزىيىتىنىڭ يىللىق دوكلاتى ئېلان قىلىندى
- ئامېرىكا تور ھۇجۇمىغا قاتناشقان خىتاي شىركىتى ۋە شەخسكە جازا يۈرگۈزدى
- خىتاينىڭ ئېلېكتىرونلۇق سودا سۇپىلىرى شەرقىي جەنۇبىي ئاسىيادا ئوڭۇشسىزلىققا ئۇچرىدى
- ئامېرىكىنىڭ خىتايغا قاراتقان جازاسى تەسىرىنى كۆرسەتتى
- قوراللىق گۇرۇپپىلار بېرمىنىڭ ئاساسلىق غەربىي چېگراسىنى كونترول قىلغان
- ئىنسان ھەقلىرى پائالىيەتچىلىرى خىتاينىڭ باستۇرۇشنى تېخىمۇ كېڭەيتكەنلىكىنى تەكىتلەشتى
- تەيۋەن: يېقىن ئەتراپتا خىتاي ئۇرۇش پاراخوتلىرىنىڭ سانى بىر ھەسسە كۆپەيدى
- سۇرىيەدە ئون نەچچە يىل داۋاملاشقان ئۇرۇش قالايمىقانچىلىقى ئاخىرلاشتى
- پاراگۋاي خىتاينىڭ بىر دىپلوماتىنى قوغلاپ چىقاردى
- سومالى دېڭىز تەۋەلىكىدە خىتاينىڭ بېلىقچىلىق پاراخوتى بۇلاندى
قوراللىق گۇرۇپپىلار بېرمىنىڭ ئاساسلىق غەربىي چېگراسىنى كونترول قىلغان
بېرما ئارمىيەسى بىلەن ئۇرۇش قىلىۋاتقان ئەڭ كۈچلۈك ئاز سانلىق مىللەت قوراللىق گۇرۇپپىلىرىنىڭ بىرى بولغان ئاراكان ئارمىيەسى بېنگال بىلەن چېگرالىنىدىغان 271 كىلومېتىر ئۇزۇنلۇقتىكى چېگرا رايونىنى پۈتۈنلەي كونترول قىلىپ، ئىستراتېگىيەلىك غەربى شەھەر مائۇڭداۋدىكى ئەڭ ئاخىرقى ھەربىي قاراۋۇلخانىنى ئىگىلىگەن. بۇ ئاراكان ئارمىيەسى شىمالىي راخىن ئىشتاتىنى پۈتۈنلەي كونترول قىلغانلىقىدىن، بۇ قوراللىقلارنىڭ ئۇ يەردىكى ئاپتونومىيە ھوقۇقىنى قولغا كەلتۈرۈشتە يەنە بىر قەدەم ئىلگىرىلىگەنلىكىدىن دېرەك بېرىدىكەن.
بىلدۈرۈلۈشىچە، راخىن ئىشتاتى بېرمىنىڭ ئىچكى ئۇرۇشىدا قىزىق نۇقتىغا ئايلانغان. ئىچكى ئۇرۇشتا دېموكراتىيەنى قوللايدىغان پارتىزانلار ۋە ئاپتونومىيە ھوقۇقى تەلەپ قىلغان ئاز سانلىق مىللەت كۈچلىرى بېرمىنىڭ ھەربىي ھۆكۈمىتىگە قارشى جەڭ ئېلان قىلغان. بېرمىنىڭ ھەربىي ھۆكۈمرانلىرى 2021-يىلى سايلانغان سابىق ھۆكۈمەتنى ئاغدۇرۇپ تاشلىغاندىن كېيىن ھاكىمىيەت بېشىغا چىققانىدى.
ئاراكان قۇرۇقلۇق ئارمىيەسىنىڭ باياناتچىسى خەيڭ تۇكخا بىرلەشمە ئاگېنتلىقىغا 9-دېكابىر كەچتە نامەلۇم ئورۇندىن كەلگەن قىسقا ئۇچۇر ئارقىلىق، ئۆزىنىڭ تەشكىلاتىنىڭ يەكشەنبە كۈنى مائۇڭداۋدىكى ئەڭ ئاخىرقى ھەربىي ئورۇننى ئىگىلىۋالغانلىقىنى ئېيتقان. ئۇنىڭ ئېيتىشىچە، بۇ ئورۇننىڭ بېرېگادا كوماندىرى ئۇرۇش مەيدانىدىن قېچىشقا ئۇرۇنغاندا قولغا ئېلىنغان.
تەييارلىغۇچى: ئابدۇخەبەر رەجەپ