- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
24-قېتىملىق پەزىلەتلىك ئۇيغۇر خانىم-قىزلار يىغىلىشى زەيتىنبۇرنۇدا ئۆتكۈزۈلدى
24-قېتىملىق پەزىلەتلىك ئۇيغۇر خانىم-قىزلار يىغىلىشى زەيتىنبۇرنۇدا ئۆتكۈزۈلدى
شەرقىي تۈركىستان نۇزۇگۇم كۈلتۈر ۋە ئائىلە جەمئىيىتىنىڭ يېتەكچىلىكىدە داۋاملىشىۋاتقان «پەزىلەتلىك خانىم-قىزلار يىغىلىشى»نىڭ 24-قېتىملىق يىغىلىشى 2-نويابىر ئىستانبۇلنىڭ زەيتىنبۇرنۇ رايونى ئاق دېڭىز سالونىدا ئۆتكۈزۈلدى.
يىغىلىشقا ئىستانبۇلنىڭ ھەر قايسى رايونلىرىدا ياشاۋاتقان خانىم-قىزلار قاتناشقان بولۇپ، يىغىلىش قۇرئان تىلاۋىتى بىلەن باشلىنىپ، ئارقىدىن دۆلەت مارشى ئوقۇلدى. يىغىلىشتا يۈسۈپ خاس ھاجىپنىڭ مەشھۇر ئەسىرى «قۇتادغۇبىلىك» يېزىلغانلىقىنىڭ 950 يىللىقىنى خاتىرىلەش ئاساسىي تېما قىلىندى.
پائالىيەت داۋامىدا تاڭنۇرى تەلىم-تەربىيە مەركىزىدىكى ئوقۇغۇچىلار تەييارلىغان سەرخىل نومۇرلار ئورۇندالدى. پائالىيەتكە جامائەت ئەربابى ئابدۇقادىر ياپچان تەكلىپ قىلىندى. ئابدۇقادىر ياپچان ئۆزىنىڭ سىياسىي ھاياتىدىكى تەجرىبىلىرىنى سۆزلەش ئارقىلىق، خانىم-قىزلارغا توغرا سىياسىي ئاڭ يېتىلدۈرۈش ھەققىدە سۆزلەپ بەردى. «پەزىلەتلىك خانىمغا مەدھىيە» تېمىسىدىكى پائالىيەتتە ئايال ساھابىلەرنىڭ ئىش-ئىزلىرى خاتىرىلەندى.
پائالىيەتتە يەنە سۈرەت كۆرگەزمىسى ئۆتكۈزۈلدى. كۆرگەزمىدە شەرقىي تۈركىستاننىڭ تارىخى، ھازىرقى ۋەزىيىتى ئەكس ئەتتۈرۈلگەن سۈرەتلەر كۆرگەزمىگە قويۇلدى.
شەمسىنۇر ئۆزئۇيغۇر خانىم «ئانا تىلنىڭ ئەھمىيىتى» تېمىسىدا سۆز قىلىپ، ئەۋلادلارغا ئانا تىل ئۆگىتىشنى چىڭ تۇتۇش كېرەكلىكىنى تەكىتلىدى.
بۇ قېتىمقى يىغىلىشتا خانىم-قىزلارغا ئەركىن پىكىر قاتناشتۇرۇش پۇرسىتى بېرىلىپ، يىغىن كەيپىياتى يۇقىرى كۆتۈرۈلدى.
يىغىلىشتا يەنە شېئىر دېكلاماتسىيە قىلىش ۋە باشقا تۈرلۈك نومۇرلار ئورۇندىلىپ، قاتناشقۇچىلارنىڭ قىزغىن ئالقىشىغا ئېرىشتى.