- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ما شىڭرۈي قەشقەرگە بېرىپ، ئىرقىي قىرغىنچىلىق سىياسىتىنى تەكىتلىدى
ئاتالمىش «ئۇيغۇر ئاپتونوم رايونلۇق پارتىيە كومىتېتى»نىڭ سېكرېتارى ما شىڭرۈي 4-، 5-نويابىر كۈنلىرى قەشقەر ۋىلايىتىگە تەكشۈرۈشكە بارغان بولۇپ، ئاتالمىش «جۇڭخۇا مىللىتى ئورتاق گەۋدىسى ئېڭىنى مۇستەھكەملەش، مۇقىملىقنى قوغداش، ئىسلام دىنىنى خىتايچىلاشتۇرۇش» قاتارلىق ئىرقىي قىرغىنچىلىق سىياسىتىنى تەكىتلىدى.
ئاتالمىش «شىنجاڭ گېزىتى»نىڭ ئالاقىدار خەۋىرىدە قەيت قىلىنىشىچە، ما شىڭرۈي بۇ قېتىم يوپۇرغا ۋە مەكىت ناھىيەلىرىگە بارغان بولۇپ، زىيارەت جەريانىدا شى جىنپىڭنىڭ ۋە خىتاي كومپارتىيەسىنىڭ شەرقىي تۈركىستان توغرىسىدىكى تۈرلۈك ئورۇنلاشتۇرمىلىرىنى قەتئىي ئىزچىللاشتۇرۇش كېرەكلىكى، شەرقىي تۈركىستاننىڭ جەنۇبىي رايونىنىڭ «شاھمات كۆزى» ئالاھىدىلىكىگە ئىگە ئىكەنلىكى ھەققىدە جار سالغان.
ئۇ يەنە جەمئىيەت مۇقىملىقىنى قوغداش، ئاتالمىش جۇڭخۇا مىللىتى ئورتاق گەۋدىسى ئېڭىنى مۇستەھكەملەش خىزمەتلىرىنى چىڭ تۇتۇش، مىللەتلەر ئىتتىپاقلىقىنى كۈچەيتىش، «ئۈچ خىل كۈچ»كە قاتتىق زەربە بېرىش، يۇقىرى بېسىم ھالىتىنى قەتئىي تەۋرەنمەي ساقلاش... قاتارلىق ئىرقىي قىرغىنچىلىق ئىبارىلىرىنى تەكىتلىگەن.
ما شىڭرۈي زىيارەت جەريانىدا يەنە ساقچىخانىلارغا، مەكىت بازىرىدىكى جامە مەسچىتى ۋە يوپۇغا ناھىيەسىدىكى يېڭى بازار مەسچىتىگە بارغان بولۇپ، «دىننى خىتايچىلاشتۇرۇشتا چىڭ تۇرۇش، دىننى سوتسىيالىزم جەمئىيىتىگە ئۇيغۇنلاشتۇرۇش» ئىبارىلىرىنى تەكرارلىغان.
خىتاي كومپارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، خىتاي سىياسىي كېڭىشىنىڭ رەئىسى ۋاڭ خۇنىڭ ئالدىنقى ئايدا تۇيۇقسىز شەرقىي تۈركىستانغا بېرىپ، 21-ئۆكتەبىردىن 24-ئۆكتەبىرگىچە خوتەن ۋىلايىتى، قەشقەر ۋىلايىتىنى زىيارەت قىلغانىدى ۋە ئىرقىي قىرغىنچىلىق سىياسىتىنى داۋاملىق قاتتىق ئىجرا قىلىشقا ئىشارەت قىلغانىدى.
ئۇنىڭ بۇ زىيارىتىدىن كېيىنلا، ئاتالمىش «ئۇيغۇر ئاپتونوم رايونلۇق خەلق قۇرۇلتىيى دائىمىي كومىتېتى» 28-ئۆكتەبىر قەشقەر ۋىلايىتىدە يىغىن ئېچىپ، جەمئىيەت مۇقىملىقىنى ئۈزلۈكسىز پۇختىلاش كېرەكلىكىنى تەكىتلىگەنىدى.
بۇلارغا ماس ھالدا، نۆۋەتتىكى ئىرقىي قىرغىنچىلىق جىنايىتىنىڭ باش ئىجراچىسى ما شىڭرۈينىڭمۇ قەشقەر ۋىلايىتىنى مەخسۇس زىيارەت قىلىشى خىتاينىڭ ئىرقىي قىرغىنچىلىق سىياسىتىنىڭ داۋاملىق ئىجرا قىلىنىدىغانلىقىنى كۆرسىتىپ بەرمەكتە.