- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ياۋروپا ئىتتىپاقى كومىتېتى TEMU نى تەكشۈرمەكچى
ياۋروپا ئىتتىپاقى كومىتېتى خىتاينىڭ تور سودا سۇپىسى TEMU ھەققىدە تەكشۈرۈشنى باشلايدىغان بولۇپ، سېتىلغان مەھسۇلاتلىرىنىڭ قانۇنغا خىلاپ ياكى ئەمەسلىكىنى ئېنىقلايدىكەن.
رويتېرس ئاگېنتلىقىنىڭ خەۋەر قىلىشىچە، ياۋروپا ئىتتىپاقى كومىتېتى سانلىق مەلۇمات مۇلازىمىتى قانۇنىغا ئاساسەن، 11-ئۆكتەبىر خىتاي شىركىتى TEMU دىن ئالاقىدار ئۇچۇرلىرىنى ئاشكارىلاشنى تەلەپ قىلغان ۋە جاۋاب قايتۇرۇش ئاخىرقى چېكىنىڭ 21-ئۆكتەبىر ئىكەنلىكىنى، شىركەتنىڭ جاۋابىغا ئاساسەن كېيىنكى باسقۇچنى بېكىتىدىغانلىقىنى ئۇقتۇرغان.
ئەھۋالدىن خەۋەردار كىشىلەرنىڭ رويتېرس ئاگېنتلىقىغا ئېيتىشىچە، ياۋروپا ئىتتىپاقى كومىتېتى پات يېقىندا خىتاي شىركىتى TEMU غا قارىتا تەكشۈرۈشنى باشلايدىكەن. ئەمما ياۋروپا ئىتتىپاقى كومىتېتى ۋە TEMU تەرەپ رويتېرس ئاگېنتلىقىنىڭ ئالاقىدار خەۋىرىگە ئىنكاس قايتۇرمىغان.
TEMU بولسا خىتايدىكى تور سودا سۇپىسى پىندودونىڭ چەت ئەل نۇسخىسى بولۇپ، سېتىلغان مەھسۇلاتلارنىڭ ئەرزان بولۇشى سەۋەبلىك، قىسقا ۋاقىت ئىچىدە كۆپلىگەن دۆلەتلەردە ئاساسلىق تور سودا سۇپىسىغا ئايلىنىشقا باشلىغان. ئەمما خىتاي رېجىمىنىڭ زور مىقداردا تولۇقلىما بېرىشى، ئۇيغۇر مەجبۇرىي ئەمگىكىگە چېتىشلىق بولۇش قاتارلىق سەۋەبلەر تۈپەيلى، TEMU كۈچلۈك تەنقىدكە ۋە قارشىلىق سادالىرىغا دۇچ كەلمەكتە.
بۇ ئاينىڭ ئوتتۇرىلىرىدا ھىندونېزىيە ھۆكۈمىتى گۇگۇل ۋە ئالما شىركىتىدىن Temu نى ئەپ بازىرىدىن چەكلەپ، ھىندونېزىيە ئابۇنىتلىرىنىڭ چۈشۈرۈشىنىڭ ئالدىنى ئېلىشنى تەلەپ قىلغانىدى ۋە بۇنىڭدىكى ئاساسلىق مەقسەتنىڭ ئۆز دۆلىتىدىكى ئوتتۇرا، كىچىك كارخانىلارنى خىتاينىڭ ئەرزان باھالىق مەھسۇلاتلىرىنىڭ زىيانكەشلىكىدىن قوغداش ئىكەنلىكىنى تەكىتلىگەنىدى.