دۇنيا ئۇيغۇر قۇرۇلتىيىنىڭ يېڭى بىر نۆۋەتلىك رەھبەرلىرى سايلاپ چىقىلدى

دۇنيا ئۇيغۇر قۇرۇلتىيىنىڭ 8-نۆۋەتلىك ئومۇمىي قۇرۇلتىيى 24-ئۆكتەبىردىن 27-ئۆكتەبىرگىچە بوسنىيە پايتەختى سارايېۋودا ئۆتكۈزۈلگەن بولۇپ، قۇرۇلتاينىڭ يېڭى بىر نۆۋەتلىك رەھبەرلىرى سايلاپ چىقىلدى.

ھەرقايسى دۆلەتتىن كەلگەن ۋەكىللەرنىڭ ئاۋاز بېرىشى نەتىجىسىدە، دۇنيا ئۇيغۇر قۇرۇلتىيىنىڭ رەئىسلىكىگە تۇرغۇنجان ئالاۋۇدۇن، مۇئاۋىن رەئىسلىكىگە زۇمرەتئاي ئەركىن، ئابدۇرېشىت ئابدۇلھەمىد ۋە ئەركىن ئەخمەت قاتارلىقلار سايلاندى. قۇرۇلتاينىڭ ئىجرائىيە كومېتىتى رەئىسلىكىگە روشەن ئابباس، مۇئاۋىن رەئىسلىكىگە ئەركىن زۇنۇن، پولات سايىم، مۇتەللىپ قۇربان ۋە ئابدۇلھەمىد قاراخان قاتارلىقلار سايلاندى. ئۇندىن باشقا، قۇرۇلتاينىڭ ھەرقايسى كومىتېتلىرىنىڭ رەئىسلىرىنى قوشقاندا، بۇ قېتىملىق قۇرۇلتايدا جەمئىي 35 نەپەر يېڭى بىر نۆۋەتلىك رەھبەرلىك قاتلىمى سايلاپ چىقىلدى.

دۇنيا ئۇيغۇر قۇرۇلتىيىنىڭ ئالدىنقى نۆۋەتلىك ئومۇمىي ۋەكىللەر قۇرۇلتىيى 2021-يىلى نويابىر ئېيىدا چېخ پايتەختى پىراگا شەھىرىدە ئۆتكۈزۈلگەنىدى.