- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاينىڭ تىبەت-ھىندىستان چېگراسىدا ئولتۇراق رايون قۇرۇشى دىققەت قوزغىدى
خىتاينىڭ تىبەت-ھىندىستان چېگراسىدا كەڭ كۆلەملىك ئولتۇراق رايون قۇرۇشى ھىندىستان ئارمىيەسى ۋە تاراتقۇلىرىنىڭ دىققىتىنى قوزغىدى.
تىبەت ئاۋازىنىڭ 15-ئۆكتەبىر خەۋەر قىلىشىچە، سۈنئىي ھەمراھ سۈرەتلىرىدە خىتاينىڭ تىبەت-ھىندىستان چېگراسىدىكى پانگۇڭ كۆلىنىڭ شىمالىي قىرغىقىغا يېقىن جايدا چوڭ ئولتۇراق رايون سالغانلىقى ئاشكارىلانغان. ھىندىستان تاراتقۇلىرى ھىندىستان ئارمىيەسىنىڭ سۆزىنى نەقىل كەلتۈرۈپ، ئەگەر بۇ ئولتۇراق رايون ھەربىي ئىشلار مەقسىتىدە ئىشلىتىلىپ قالسا، ۋاقىتلىق ئالغا ئىلگىرىلەش رولىنى ئوينايدىغانلىقىنى بىلدۈرگەن. ھىندىستان تاراتقۇلىرىنىڭ قارىشىچە، خىتاينىڭ نۆۋەتتىكى خىتاي بىلەن ھىندىستان ئوتتۇرىسىدىكى 2020-يىلىدىكى قارشىلىشىش نۇقتىسىغا يېقىن جايدا نۇرغۇن ئەسلىھەلەرنى قۇرۇشى چېگرا بىخەتەرلىكىگە بولغان يېڭى ئەندىشىنى قوزغايدىكەن.
ئامېرىكا ئالەم قاتنىشى تېخنىكىسى شىركىتى Maxar Technologies 9-ئۆكتەبىر تارتقان سۈنئىي ھەمراھ سۈرەتلىرى تىبەتكە تەۋە پانگۇڭ ئەتراپىدىكى 17 گېكتار يەرنىڭ قۇرۇلۇش ۋە قېزىش ماشىنىلىرى بىلەن تولغانلىقىنى كۆرسەتكەن.
ھىندىستان تاراتقۇلىرىنىڭ خەۋەر قىلىشىچە، خىتاي يۇقىرىدا تىلغا ئېلىنغان رايونلاردا تۇرالغۇ ۋە چوڭ مەمۇرىي بىنالارنى ئۆز ئىچىگە ئالغان 100 دىن ئارتۇق بىنا سېلىۋاتقان بولۇپ، بۇ قۇرۇق يەر ۋە تۈز يەرلەرنى ئىشلىتىشكە بولىدىكەن. بۇ يەرنى كەلگۈسىدە باغچە ياكى تەنتەربىيە ئەسلىھەلىرى سۈپىتىدە ئىشلىتىشكە بولىدىكەن. بۇ رايوننىڭ شەرقىي جەنۇب بۇرجىكىدىكى 150 مېتىرلىق تىك تۆت بۇلۇڭلۇق يەرنىڭ تىك ئۇچارنىڭ قونۇش-ئۇچۇشى ئۈچۈن سېلىنغان بولۇشى مۇمكىنلىكى پەرەز قىلىنغان.
بىلدۈرۈلۈشىچە، خىتاي بۇ يىل ئاپرېلنىڭ بېشىدا پانگۇڭ كۆلى بويىدا ئولتۇراق رايون قۇرۇشقا باشلىغان بولۇپ، سۈنئىي ھەمراھ سۈرەتلىرىدە كۆرسىتىلىشىچە، ئىلگىرىكى بۇ رايوندا ھېچقانداق قۇرۇلۇش يوق ئىكەن. ھىندىستان ئارمىيەسى خىتاي بۇ ئولتۇراق رايوننى مەمۇرىي رايون ۋە مەشغۇلات رايونى دەپ ئىككى قىسىمغا ئايرىغان، دەپ قارىغان بولۇپ، بۇنىڭ ئىچىدىكى ئىككى چوڭ بىنا بەلكىم مەمۇرىي ۋە ئەسلىھە ساقلايدىغان ئورۇن بولۇشى مۇمكىن ئىكەن.
تەييارلىغۇچى: ئابدۇخەبەر رەجەپ