- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتايدا ياسالغان كۈرەشچى ئايروپىلانلار بېرما خەلقىنى تالاپەتكە ئۇچراتماقتا
بېرما ئارمىيەسىنىڭ ئەجەللىك ھاۋا ھۇجۇملىرىدا خىتايدا ياسالغان كۈرەشچى ئايروپىلانلار ئىشلىتىلگەن بولۇپ، پۇقرالار ئېغىر تالاپەتكە ئۇچرىغان.
ئامېرىكا ئاۋازىنىڭ بۈگۈنكى خەۋىرىدە بىلدۈرۈلۈشىچە، خىتايدىن سېتىۋالغان ئالتە دانە FTC-2000G تىپلىق كۈرەشچى ئايروپىلان بېرمىغا يېتىپ كەلگەن بولۇپ، كۆزەتكۈچىلەر خىتاينىڭ بېرما ئارمىيەسىنى ھەربىي قوراللار بىلەن تەمىنلىشىنىڭ توقۇنۇشنى ئۇزارتىپ، پۇقرالارنىڭ ئازاب-ئوقۇبەتلىرىنى ئېغىرلاشتۇرۇۋېتىشىدىن ئەندىشە قىلغان.
FTC-2000G غا ئوخشاش خىتاي تەمىنلىگەن كۈرەشچى ئايروپىلانلار ھەربىي ھۆكۈمەتنىڭ ھاۋا مۇداپىئە ئەۋزەللىكىنى ساقلىشىغا ياردەم بەرگەن بولۇپ، بېرمانىڭ ھەر قايسى جايلىرىدىكى خەلق ئېغىر تالاپەتكە ئۇچرىغان.
تاراتقۇلارنىڭ خەۋىرىگە ئاساسلانغاندا، بۇ بىر تۈركۈم ئايروپىلان 2024-يىلى 8-ئايدا بېرما ئارمىيەسىگە يەتكۈزۈلگەن بولۇپ، بۇ بېرما ئارمىيەسى قوبۇل قىلغان ئىككىنچى تۈركۈم FTC-2000G تىپلىق كۈرەشچى ئايروپىلانلار ئىكەن. ھەربىي ھۆكۈمەت 2022-يىلى 11-ئايدا تۇنجى تۈركۈمدە بۇ خىل كۈرەشچى ئايروپىلانغا ئېرىشكەن.
ھەربىي تەرەپنىڭ كونتروللۇقىدىكى تاراتقۇلارنىڭ خەۋەر قىلىشىچە، 2022-يىلى 15-دېكابىر بېرما ھاۋا ئارمىيەسىدە ئۆتكۈزۈلگەن مۇراسىمدا خىتايدا ياسالغان كۈرەشچى ئايروپىلان FTC-2000G كۆرسىتىلگەن. ئىككىنچى تۈركۈمدىكى ئايروپىلانلارنىڭ بۇ يىل 12-ئايدىكى ھاۋا ئارمىيە كۈنىنى تەبرىكلەش پائالىيىتىدە كۆرسىتىلىشى مۇمكىن ئىكەن.
تەييارلىغۇچى: ئابدۇخەبەر رەجەپ