- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي ئىقتىسادنىڭ كاساتلاشقانلىقىنى ئېتىراپ قىلدى
خىتاي ئەمەلدارلىرى خىتاي ئىقتىسادىنىڭ يېڭى مەسىلىلەرگە دۇچ كەلگەنلىكىنى ئېتىراپ قىلدى.
فىرانسىيە خەلقئارا رادىيوسىنىڭ 26-سېنتەبىر خەۋەر قىلىشىچە، خىتاي يېقىندا ئىقتىسادىي پائالىيەتلەرنى قوللايدىغان بىر قاتار تەدبىرلەرنى ئېلان قىلغاندىن كېيىن، خىتاي رەئىسى شى جىنپىڭ قاتارلىق ئەمەلدارلار خىتاي ئىقتىسادىنىڭ يېڭى مەسىلىلەرگە دۇچ كەلگەنلىكىنى ئېتىراپ قىلغان. خىتاينىڭ بۇ ھەقتىكى بايانلىرى خىتاي كومپارتىيەسى مەركىزىي سىياسىي بىيۇروسىنىڭ يىغىنى ئاخىرلاشقاندىن كېيىن ئېلان قىلىنغان.
ئانالىزچىلار ۋە مەبلەغ سالغۇچىلارنىڭ قارىشىچە، دۇنيادىكى ئىككىنچى چوڭ ئىقتىسادىي كۈچ بولغان خىتاي 2024-يىلى ئىقتىسادىنىڭ %5 ئەتراپىدا ئۆسۈش نىشانىغا يەتمەكچى بولىدىكەن، چوقۇم تېخىمۇ كۆپ ھۆكۈمەت ياردىمىگە ئېھتىياجلىق ئىكەن.
خىتاي خەۋەر ئاگېنتلىقى تارقاتقان يىغىن خۇلاسە خەۋىرىدە ئىقتىسادنىڭ ئاساسىي ۋەزىيىتىنىڭ ئۆزگەرمىگەنلىكى، بازارنىڭ چوڭلۇقى ۋە يوشۇرۇن كۈچىنىڭ يۇقىرى ئىكەنلىكى تىلغا ئېلىنغان. شۇنىڭ بىلەن بىرگە، خىتاي ئىقتىسادتا يېڭى ئەھۋاللار ۋە يېڭى مەسىلىلەرگە دۇچ كەلگەنلىكىنى ئوتتۇرىغا قويغان بولسىمۇ، ئەمما مۇزاكىرە قىلىنغان يېڭى مەسىلىلەرنىڭ نېمە ئىكەنلىكى ئېنىق بايان قىلىنمىغان.
فىرانسىيە خەۋەر ئاگېنتلىقىنىڭ كۆرسىتىشىچە، خىتاينىڭ زور كۆلەمدىكى ئۆي-مۈلۈك ساھەسى مىسلى كۆرۈلمىگەن كىرىزىسقا دۇچ كەلگەن بولۇپ، ئائىلىلەر ۋە كارخانىلارنىڭ خىتاي ئىقتىسادىغا بولغان ئىشەنچىنىڭ تۆۋەنلىكى ئىستېمالغا تەسىر كۆرسەتكەن. شۇنداقلا ئامېرىكا ۋە ياۋروپا ئىتتىپاقى بىلەن بولغان گېئوپولىتىكىلىق جىددىيچىلىك خىتاينىڭ تاشقى سودىسىغا كۈچلۈك تەھدىت شەكىللەندۈرگەن.
بۇ ئاينىڭ ئوتتۇرىلىرىدا، خىتاي كېلەر يىلدىن باشلاپ قانۇندا بەلگىلەنگەن پېنسىيەگە چىقىش يېشىنى ئاستا-ئاستا ئۆستۈرۈشنى قارار قىلغان بولۇپ، بۇ نەچچە ئون يىلدىن بۇيانقى تۇنجى قېتىملىق ئۆزگىرىش بولۇپ قالغانىدى.
بۇ قېتىمقى سىياسىي بىيۇرو يىغىنى ئۆتكۈزۈلۈشتىن بۇرۇن، خىتاي رېجىمى بىر قاتار ئىقتىسادنى ئىلھاملاندۇرۇش تەدبىرلىرىنى ئېلان قىلغان بولۇپ، بۇنىڭ ئىچىدە ئۆسۈم نىسبىتىنى تۆۋەنلىتىش ۋە ئۆي-مۈلۈك قەرز نىسبىتىنى چۈشۈرۈش قاتارلىقلار بار ئىكەن. بۇ ئۆزگىرىشلەر خىتاينىڭ يېقىنقى يىللاردىن بۇيانقى ئۆسۈمنى ئەڭ زور كۆلەملىك تۆۋەنلىتىشى بولۇپ ھېسابلىنىدىكەن.
تەييارلىغۇچى: ئابدۇخەبەر رەجەپ