- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئەردوغان: ئۇيغۇرلارنىڭ ھوقۇقىنىڭ قوغدىلىشى ئۈچۈن خىتاي بىلەن دىيالوگ ئۆتكۈزۈپ كېلىۋاتىمىز
تۈركىيە پىرېزىدېنتى رەجەپ تاييىب ئەردوغان بىرلەشكەن دۆلەتلەر تەشكىلاتىنىڭ 79-نۆۋەتلىك ئومۇمىي يىغىندا قىلغان سۆزىدە ئۇيغۇرلارنىمۇ تىلغا ئالدى ھەمدە بىرلەشكەن دۆلەتلەر تەشكىلاتىنىڭ ئۆز ۋەزىپىسىنى ئورۇنلاشتا يېتەرسىز، پاسسىپ بىر قۇرۇلمىغا ئايلىنىپ قالغانلىقىنى تەكىتلىدى.
تۈركىيە پىرېزىدېنتلىق مەھكىمىسى ئۇچۇر-ئالاقە ئىدارىسىنىڭ ئورگان تورىدا قەيت قىلىنىشىچە، پىرېزىدېنت ئەردوغان 24-سېنتەبىر ب د ت ئومۇمىي يىغىنىدا سۆز قىلىپ، ئالدى بىلەن پەلەستىن مەسىلىسى ھەققىدە توختالغان. ئۇ ئۇزۇن كۈرەشلەر نەتىجىسىدە پەلەستىننىڭ ۋەكىلىنىڭ ب د ت غا ئەزا دۆلەتلەر ئارىسىدىكى كۆرگەنلىكىدىن مەمنۇن بولغانلىقىنى بىلدۈرۈپ: «بۇ تارىخىي قەدەمنىڭ پەلەستىننىڭ بىرلەشكەن دۆلەتلەر تەشكىلاتىغا ئەزا بولۇش يولىدىكى ئەڭ ئاخىرقى بۇرۇلۇش نۇقتىسى بولۇشىنى ئۈمىد قىلىمەن. پەلەستىن دۆلىتىنى ئېتىراپ قىلمىغان باشقا دۆلەتلەرنى بۇ جىددىي مەزگىلدە تارىخنىڭ توغرا تەرىپىدە تۇرۇپ، پەلەستىن دۆلىتىنى دەرھال ئېتىراپ قىلىشقا چاقىرىمەن» دېگەن.
پىرېزىدېنت ئەردوغان يەنە تۈركىي دۆلەتلەر تەشكىلاتىنىڭ بارغانسېرى جەلپ قىلىش مەركىزىگە ئايلىنىۋاتقانلىقىنى، تەشكىلاتنىڭ ئۈلگىلىك بىر ھەمكارلىق مودېلى شەكىللەندۈرۈۋاتقانلىقىنى ئېيتقان.
ئۇ سۆزىدە يەنە تۈرك دۇنياسى بولۇش سۈپىتى بىلەن ئىتتىپاقلىقنى تېخىمۇ مۇستەھكەملەيدىغانلىقىنى بىلدۈرۈپ: «خىتاينىڭ ئىگىلىك ھوقۇقى ۋە زېمىن پۈتۈنلۈكىگە ھۆرمەت قىلغان ئاساستا، كۈچلۈك تارىخىي، مەدەنىي ۋە ئىنسانىي باغلىنىشىمىز بولغان ئۇيغۇر تۈركلىرىنىڭ ئاساسىي ھەق-ھوقۇقلىرى ۋە ئەركىنلىكىنىڭ قوغدىلىشى ئۈچۈن، خىتاي بىلەن يېقىن دىيالوگ ئۆتكۈزۈپ كېلىۋاتىمىز» دېگەنلەرنى قەيت قىلغان.
تەييارلىغۇچى: ئابدۇخەبەر رەجەپ