- ياپونىيە بىلەن خىتاينىڭ مۇناسىۋىتى قاتتىق كەسكىنلەشتى
- ژۇرنالىستلار شەرقىي تۈركىستان مەسىلىسى ئۈچۈن جەم بولدى
- رۇسىيە بىلەن خىتاي ياپون دېڭىزىدا مانېۋىر باشلىدى
- خىتاي ئۇيغۇر پائالىيەتچىلىرىدىن ئۆچ ئالماقتا
- خىتاي خەلقئارانىڭ كۆزىنى بويايدىغان غايەت زور مەدەنىيەت سارىيىنىڭ يوپۇقىنى ئاچتى
- ئامېرىكا پالاتا ئەزالىرى خىتايغا قارشى ماھىيەتلىك قانۇن لايىھەسى سۇندى
- ئامېرىكا پارلامېنت ئەزالىرى ھۆكۈمەتنى خىتايدا قامالغان ئامېرىكىلىقلارنى قۇتقۇزۇشقا چاقىردى
- خىتاينىڭ «بىر بەلباغ، بىر يول» پىلانىنىڭ تۈركىيەگە زىيان كەلتۈرىدىغانلىقى تەكىتلەندى
- خىتايدىكى ياۋروپا شىركەتلىرى ئىستراتېگىيەسىنى ئۆزگەرتىشكە مەجبۇر بولماقتا
- ياپونىيە: خىتاي ئاۋىياماتكىسى تۇنجى قېتىم ياپونىيە تەۋەلىكىگە كىردى
رۇسىيە بىلەن خىتاي ياپون دېڭىزىدا مانېۋىر باشلىدى
تاراتقۇلار رۇسىيە بىلەن خىتاينىڭ ياپون دېڭىزىدا دېڭىز ئارمىيە مانېۋىرى باشلىغانلىقىنى خەۋەر قىلدى.
رۇسىيە ئاخبارات ئاگېنتلىقى رۇسىيە تىنچ ئوكيان فىلوتى ئەمەلدارلىرىنىڭ سۆزىنى نەقىل قىلىپ بىلدۈرۈشىچە، رۇسىيە بىلەن خىتاي 21-ئاۋغۇست ياپون دېڭىزىدا دېڭىز ئارمىيە مانېۋىرى باشلىغان.
رۇسىيە ئاخبارات ئاگېنتلىقى تىنچ ئوكيان فىلوتى ئەمەلدارى: «رۇسىيە تىنچ ئوكيان فىلوتى ۋە خىتاي دېڭىز ئارمىيەسىنىڭ بىرلەشمە ھەربىي پاراخوت ئەترىتى ۋىلادىۋوستوكتىن يولغا چىقىپ، رۇسىيە-خىتاي شىمالىي ھەمكارلىق 2024 دېڭىز ئارمىيە مانېۋىرى ئۆتكۈزمەكتە» دېگەن.
خەۋەردە يەنە مانېۋىرنىڭ ھاۋا مۇداپىئەسى ۋە سۇ ئاستى كېمىگە قارشى قوراللارنى ئىشلىتىشنى ئۆز ئىچىگە ئالىدىغانلىقى بىلدۈرۈلگەن.
مەلۇم بولۇشىچە، رۇسىيە بىلەن خىتاي بۇ ئاي ئىچىدە بىرلىكتە باشقۇرۇلىدىغان بومبا ۋە زەمبىرەك ئوقى ئېتىش مەشىقى قىلغان. بۇ «دېڭىز ئارمىيە مانېۋىرى-2024»نىڭ بىر قىسمى بولۇپ، رۇسىيە پىرېزىدېنتى پۇتىن بۇنى تىنچ ئوكياندا ئامېرىكىغا قارشى تۇرۇش ھەرىكىتى، دەپ ئاتىغان.
بۇ خەۋەر رۇسىيە ۋە خىتاينىڭ ھەربىي ھەمكارلىقىنىڭ كۈچىيىۋاتقانلىقىنى كۆرسىتىدىغان بولۇپ، ياپونىيە ۋە ئامېرىكا قاتارلىق باشقا دۆلەتلەرنىڭ دىققىتىنى تارتىپ، رايوندىكى كۈچ تەڭپۇڭلۇقىغا تەسىر كۆرسىتىشى مۇمكىن ئىكەن.
پۇتىننىڭ بۇ مانېۋىرنى «تىنچ ئوكياندا ئامېرىكىغا قارشى تۇرۇش ھەرىكىتى» دەپ ئاتىشى رۇسىيە ۋە خىتاينىڭ ئامېرىكىنىڭ دۇنيا مىقياسىدىكى تەسىرىگە قارشى تۇرۇش ئىستراتېگىيەسىنىڭ بىر قىسمى ئىكەنلىكىنى كۆرسىتىدىكەن. بۇ ۋەزىيەت خەلقئارا مۇناسىۋەتلەردە، بولۇپمۇ تىنچ ئوكيان رايونىدىكى كۈچ سېلىشتۇرمىسىدا يېڭى ئۆزگىرىشلەرنى كەلتۈرۈپ چىقىرىشى مۇمكىن ئىكەن.
تەييارلىغۇچى: ئابدۇخەبەر رەجەپ