- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تاراتقۇلار: خىتاي رۇسىيەنىڭ ھەربىي تېخنىكىسىغا ئېرىشىشنىڭ تارىخىي پۇرسىتىگە ئېرىشتى
رۇسىيە ئۇكرائىنادا ئۇرۇش پاتقىقىغا پېتىپ قالغان بىر پەيتتە، خىتاي رۇسىيەنىڭ ئىلغار ھەربىي تېخنىكىسىنى كىرگۈزۈشتە تارىخىي پۇرسىتىگە ئېرىشكەن.
ئامېرىكا ئاۋازىنىڭ بۇ ھەقتىكى خەۋىرىدە بىلدۈرۈلۈشىچە، رۇسىيە 16-سېنتەبىر دۇنيا مىقياسىدىكى چوڭ كۆلەملىك دېڭىز ئارمىيەسى ھەربىي مانېۋىرىنى ئاخىرلاشتۇرغان. گەرچە رۇسىيەگە مايىل 15 دۆلەت كۆزدىن كەچۈرۈشكە تەكلىپ قىلىنغان بولسىمۇ، 90 مىڭدىن ئارتۇق ئەسكەر قاتناشتۇرۇلغان رۇسىيەنىڭ «ئوكيان-2024» ناملىق مەزكۇر مانېۋىرغا پەقەت خىتايلا ئەمەلىي قاتناشقان.
بۇ جەرياندا خىتاي-رۇسىيە ئىككى تەرەپ ھەربىي مۇناسىۋىتىنىڭ زىچلىقىنى نامايان قىلىش ئۈچۈن، ئىككى تەرەپ بىرلىكتە ياپون دېڭىزىدا باشقۇرۇلىدىغان بومبا ۋە زەمبىرەك ئاتقان.
بىلدۈرۈلۈشىچە، ئامېرىكا رۇسىيەنىڭ خىتاينى ئىلغار ھەربىي تېخنىكا بىلەن تەمىنلىشىگە دىققەت قىلىۋاتقان بولۇپ، ئۇكرائىنا ئۇرۇشىنىڭ داۋاملىشىشى خىتاي-رۇسىيە ھەربىي مۇناسىۋىتىنى تېخىمۇ قويۇقلاشتۇرغان. ئىلگىرى غەرب دۆلەتلىرى خىتاينىڭ رۇسىيەگە ھەربىي ياردەم بېرىشىنى توختىماي تەنقىدلەپ كەلگەن بولسا، يېقىنقى مەزگىللەردە ئامېرىكا خىتاي-رۇسىيە ھەربىي مۇناسىۋىتىنىڭ يەنە بىر تەرىپىگە، يەنى رۇسىيەنىڭ خىتاينى ئىلغار ھەربىي تېخنىكا بىلەن تەمىنلىشىگە قاتتىق دىققەت قىلىۋاتقانلىقىنى ئوچۇق-ئاشكارا ئوتتۇرىغا قويۇشقا باشلىغان.
مەلۇم بولۇشىچە، ئىلغار مۇداپىئە ئۈسكۈنىلىرى ۋە تېخنىكىسى جەھەتتە خىتاي يەنىلا رۇسىيەگە موھتاج ئىكەن.
تەييارلىغۇچى: ئابدۇخەبەر رەجەپ