- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئامېرىكا: تېخىمۇ كۆپ تەدبىرلەر بىلەن خىتاينىڭ ھەرىكەتلىرىگە تاقابىل تۇرۇش كېرەك
ئامېرىكا مۇئاۋىن تاشقى ئىشلار مىنىستىرى كۇرت كامپبېل ئامېرىكىنىڭ تېخىمۇ كۆپ تەدبىر قوللىنىپ، خىتاينىڭ ھەرىكەتلىرىگە تاقابىل تۇرۇشى كېرەكلىكىنى بىلدۈردى.
ئامېرىكا ئاۋازىنىڭ خەۋىرىدە بىلدۈرۈلۈشىچە، ئامېرىكا مۇئاۋىن تاشقى ئىشلار مىنىستىرى كۇرت كامپبېل 30-ئىيۇلدىكى سۆزىدە ئامېرىكا ھۆكۈمىتىنىڭ خىتاينىڭ ھەربىي بازا قۇرۇش ئىستراتېگىيەسى ۋە ئافرىقىدا سىيرەك توپا بايلىقلىرىنى ئىزدەش قاتارلىق ھەرىكەتلىرىگە تاقابىل تۇرۇش ئۈچۈن، تېخىمۇ كۆپ تەدبىر قوللىنىشى كېرەكلىكىنى بىلدۈرگەن.
كامپبېل كېڭەش پالاتاسى تاشقى مۇناسىۋەتلەر كومىتېتىنىڭ ئىسپات ئاڭلاش يىغىنىدا، خىتاي بىلەن رىقابەتلىشىشنىڭ زامانىۋى ئامېرىكا دىپلوماتىيەسى دۇچ كەلگەن ھەل قىلغۇچ گېئوپولىتىكىلىق سىناق ئىكەنلىكىنى، ئامېرىكا دېڭىز ئارمىيەسى ۋە ھاۋا ئارمىيەسىنىڭ ھىندى-تىنچ ئوكيان رايونىدىكى كۈچىنى ئاشۇرۇشى كېرەكلىكىنى تەكىتلىگەن.
كامپبېل يەنە: «بىز تېخىمۇ كۆپ ئىش قىلىشىمىز كېرەك، خىتاينىڭ ھەرىكەتلىرىگە قارشى تۇرۇشىمىز كېرەك، پەقەت ئۇلارنىڭ ئالدىنقى سەپتىكى بازىلىرىنىڭ ئىستراتېگىيەسىگىلا ئەمەس، بەلكى خىتاينىڭ ئافرىقىدىكى سىيرەك توپا يەر ئاستى بايلىقلىرىغا ئىگە بولۇۋېلىشىغا قارشى تۇرۇشىمىز كېرەك، چۈنكى بۇ بىزنىڭ سانائەت ۋە تېخنىكا ئىقتىدارىمىز ئۈچۈن مۇھىم» دېگەن.
ئۇ يەنە خىتاي بىلەن ئامېرىكىنىڭ كېمىسازلىق سانائىتىدىكى پەرقىنىڭ ئازلاۋاتقانلىقىنى، بۇ ئەھۋالنىڭ كىشىنى قاتتىق ئەندىشىگە سالىدىغانلىقىنى بىلدۈرگەن.
بىلدۈرۈلۈشىچە، كامپبېل ئۇزۇندىن بۇيان ئامېرىكىنىڭ كۈچىنى ھىندى-تىنچ ئوكيان رايونىغا يۆتكەشنى تەشەببۇس قىلىپ كەلگەن ئامېرىكا ئەمەلدارلىرىدىن بىرى ئىكەن.
تەييارلىغۇچى: ئابدۇخەبەر رەجەپ