- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تاشكەنتتە ياشاۋاتقان 73 ياشلىق ئۇيغۇر پىروفېسسور ئۆز ئۆيىدە ئۆلتۈرۈلدى
ئۆزبېكىستان پايتەختى تاشكەنتتە ياشاۋاتقان 73 ياشلىق ئۇيغۇر پىروفېسسور ئابدۇلئەھەت قاھاروف تۇران ئۆز ئۆيىدە ئۆلتۈرۈلگەن بولۇپ، جىنايەت گۇماندارى تۇتۇلغان.
تاشكەنت ۋاقىت گېزىتىنىڭ 23-ئىيۇل خەۋەر قىلىشىچە، جەمئىيەتشۇناسلىق پەنلىرى دوكتورى پىروفېسسور ئابدۇلئەھەد قاھاروف تۇران 18-ئىيۇل تاشكەنتنىڭ ئالمىزار رايونىدىكى تۇرالغۇسىدا ئۆلتۈرۈلگەن.
18-ئىيۇل كەچ سائەت ئون ئەتراپىدا ئالمىزار رايونلۇق دائىرىلەر مەرھۇمنىڭ ئۆيىدىن شاۋقۇن-سۈرەن ئاۋازى ئاڭلانغانلىقى ھەققىدە مەلۇمات تاپشۇرۇۋالغان. ئۇچۇرغا ئاساسەن تەكشۈرۈش گۇرۇپپىسى ۋەقە يۈز بەرگەن جايغا يېتىپ كېلىپ، ئۆينىڭ ئىشىكىنى ئاچقان بولۇپ، ئۆينىڭ بالكونىدا 73 ياشلىق پىروفېسسور ئابدۇلئەھەتنىڭ بەدىنىنىڭ بىر نەچچە يېرى كېسىلگەن ھالدا ھاياتىدىن ئايرىلغانلىقىنى بايقىغان.
ۋەقەدىن كېيىن جىنايەت گۇماندارى تۇتۇلغان بولۇپ، جىنايى ئىشلار قانۇنىغا ئاساسەن، قەستەن ئادەم ئۆلتۈرۈش جىنايىتى بويىچە ئەيىبلەنگەن. نۆۋەتتە جىنايەت گۇماندارىنىڭ پىروفېسسور ئابدۇلئەھەتنى ئۆلتۈرۈش سەۋەبى دەسلەپكى قەدەمدە ئېنىقلانماقتىكەن.
نوپۇزلۇق ئاكادېمىك، جەمئىيەتشۇناسلىق پەنلىرى دوكتورى پىروفېسسور ئابدۇلئەھەد قاھاروف تۇران ھايات ۋاقتىدا ئۇيغۇر تارىخى، مەدەنىيتى تەتقىقاتىدا كۆپلىگەن ئىلمىي ئەمگەكلەرنى سۇنغان بولۇپ، 2017-يىلى «شەرقىي تۈركىستاندىكى قەدىمىي يىپەك يولىنىڭ سىرى»ناملىق كىتابى نەشر قىلىنغانىدى.
مەرھۇم بىر نەچچە يىل بۇرۇن ئىستىقلال تېلېۋىزىيەسىنىڭ سۆھبەت پىروگراممىسىغا قاتنىشىپ، «ئۇيغۇر تارىخىي ۋە يىپەك يولى» ۋە «ئوتتۇرا ئاسىيادىكى ئۇيغۇرلار ۋە ئۇيغۇر تارىخى» تېمىلىرىدا توختالغانىدى ۋە ئۆزىنىڭ ھاياتى، خىزمەتلىرى، تەتقىقاتلىرىنى تونۇشتۇرۇپ ئۆتكەنىدى.
نۆۋەتتە دۇنيانىڭ ھەرقايسى جايلىرىدىكى ئۇيغۇرلار ئۇنىڭغا قارا قولىنى سۇنغان جىنايەتچىنىڭ ئېغىر جازالىنىشىنى، جىنايەتنىڭ پەردە ئارقىسىنىڭ ئاشكارىلىنىشىنى كۈتۈۋاتقان بولۇپ، دېلونىڭ جەريانىنى يېقىندىن كۆزەتمەكتە.
تەييارلىغۇچى: ئابدۇخەبەر رەجەپ
مەرھۇم بىلەن ئۆتكۈزگەن سۆھبەتنى تۆۋەندىكى ئۇلىنشتىن كۆرۈڭ:
https://www.youtube.com/watch?v=qXdmzt2CQfs&list=PLZ-qMLVfZhW5TQxlp6B7KaEIqOULhNFFc&index=135
https://www.youtube.com/watch?v=BWx1iuXRoD8&list=PLZ-qMLVfZhW5TQxlp6B7KaEIqOULhNFFc&index=133