- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
شى جىنپىڭ مەدھىيەلەنگەن ماقالىنىڭ ئۆچۈرۈلۈشى دىققەت قوزغىماقتا
خىتاي كوممۇنىستىك پارتىيەسىنىڭ مۇھىم يىغىنى ئېچىلىۋاتقان بىر پەيتتە، شى جىنپىڭنى كۆككە كۆتۈرۈپ يېزىلغان ماقالىنىڭ خىتاي ئورگان تور بەتلىرىدىن ئۆچۈرۈلۈشى دىققەت قوزغىدى.
خىتاي كوممۇنىستىك پارتىيەسى 20-نۆۋەتلىك مەركىزىي كومىتېتى 3-ئومۇمىي يىغىنى 15-ئىيۇل بېيجىڭدا ئېچىلغان بولۇپ، يىغىننىڭ تۇنجى كۈنىدە خىتاينىڭ رەسمىي تەشۋىقات ئورگىنى شىنخۇا ئاگېنتلىقىدا «ئىسلاھاتچى شى جىنپىڭ» ماۋزۇلۇق ئۇزۇن ماقالە ئېلان قىلىنغان. ئەمما مەزكۇر ماقالە بىر كۈندىن كېيىن تۇيۇقسىز ئۆچۈرۈلگەن.
مەزكۇر ماقالىدە شى جىنپىڭغا «ئىسلاھاتچى» دېگەن سۈپەت بىلەن مەدھىيە ئوقۇلغان بولۇپ، ئۇنى خىتاي كومپارتىيەسىنىڭ سابىق رەئىسى دېڭ شياۋپىڭ بىلەن تەڭ ئورۇنغا قويغان.
بىر قىسىم ئانالىزچىلار مەزكۇر ماقالىنىڭ ئۆچۈرۈلۈشىنىڭ ئەمەلىيەتتە شى جىنپىڭنىڭ سىياسىي ئورنىنىڭ ئىنكار قىلىنىشى ئىكەنلىكىنى، بۇ قېتىملىق يىغىندا شى جىنپىڭنىڭ تەختتىن چۈشۈشىنى تەلەپ قىلىشتەك ئالاھىدە ئەھۋاللارنىڭ يۈز بەرگەن بولۇشى مۇمكىنلىكىنى ئىلگىرى سۈرگەن.
بىر قىسىم ئانالىزچىلار بولسا بۇ قاراشقا قوشۇلمىغان بولۇپ، شى جىنپىڭنىڭ ھاكىمىيىتىدە تەۋرىنىش بولغانلىقى ھەققىدە ھېچقانداق ئالامەت يوق ئىكەنلىكىنى، بۇنىڭ ئىقتىسادىي جەھەتتىكى چېكىنىش بىلەن ئالاقىسى بولۇشى مۇمكىنلىكىنى بىلدۈرۈشكەن. يەنە بىر قىسىم ئانالىزچىلار بولسا مەزكۇر ماقالىدە شى جىنپىڭنى چېكىدىن ئاشۇرۇپ ماختىۋەتكەنلىكىنى، بۇ سەۋەبلىك ئەكس تەسىر پەيدا بولۇشتىن ئەنسىرەپ، ئۆچۈرۈۋەتكەن بولۇشى مۇمكىنلىكىنى ئىلگىرى سۈرۈشكەن.