- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئامېرىكا تۈرلۈك باستۇرۇشلارغا چېتىلغان خىتاي ئەمەلدارلىرىغا ۋىزا چەكلىمىسى ئىجرا قىلماقچى
ئامېرىكا ھۆكۈمىتى دىنىي ۋە ئېتنىك جەھەتتىن باستۇرۇشقا چېتىشلىق خىتاي ئەمەلدارلىرىغا ۋىزا چەكلىمىسى قويىدىغانلىقىنى تەكىتلىدى.
ئامېرىكا ئاۋازىنىڭ بۇ ھەقتىكى خەۋىرىدە بىلدۈرۈلۈشىچە، ئامېرىكا تاشقى ئىشلار مىنىستىرلىقى 12-ئىيۇل چەتكە قېقىلغان دىنىي ۋە ئېتنىك گۇرۇپپىلارنى باستۇرۇش ھەرىكىتىگە قاتناشقان خىتاي ئەمەلدارلىرىغا ۋىزا چەكلىمىسى ئىجرا قىلىش ئۈچۈن قەدەم-باسقۇچلارنىڭ داۋاملىشىۋاتقانلىقىنى جاكارلىغان.
ئامېرىكا تاشقى ئىشلار مىنىستىرلىقى باياناتچىسى مەسيۇ مىللېر بۇ ھەقتە ئېلان قىلغان باياناتىدا: «ئامېرىكا خىتايدىكى ئىنسانىي ھوقۇقلارنى قوغداش ئۈچۈن ئالاقىدار كىشىلەرنىڭ جاۋابكارلىقىنى سۈرۈشتە قىلىشنى داۋاملاشتۇرىدۇ» دېگەن.
باياناتتا: «خىتاي ئىنسانىي ھوقۇقلارنى ھۆرمەتلەش ۋە قوغداش مەجبۇرىيىتىنى ئادا قىلمىدى» دېگەنلەر تەكىتلەنگەن بولۇپ، شەرقىي تۈركىستاندا داۋاملىشىۋاتقان ئىرقىي قىرغىنچىلىق ۋە ئىنسانىيەتكە قارشى جىنايەت، خوڭكوڭدا باستۇرۇلۇۋاتقان تۈپ ئەركىنلىك، تىبەتتە دەپسەندە بولۇۋاتقان ئىنسانىي ھوقۇقلار ۋە دۇنيانىڭ ھەرقايسى جايلىرىدىكى دۆلەت ھالقىپ باستۇرۇش مەسىلىلىرى تىلغا ئېلىنغان.
باياناتتا يەنە: «بىز خىتاينى‹دۇنيا ئىنسان ھەقلىرى خىتابنامىسى›دە بايان قىلىنغان پىرىنسىپلارغا رىئايە قىلىشقا، بۇ يىل ئۇنىڭ ئىنسان ھەقلىرى خاتىرىسىگە نىسبەتەن ئومۇمىي تەكشۈرۈش جەريانىدا ئوتتۇرىغا قويۇلغان كۆپلىگەن تەۋسىيەلەرنى قوبۇل قىلىشقا، جۈملىدىن خالىغانچە ۋە ئادىل بولمىغان ھالدا تۇتقۇن قىلغان كىشىلەرنى شەرتسىز قويۇپ بېرىشكە چاقىرىمىز» دېيىلگەن.
باياناتتا قايسى خىتاي ئەمەلدارلىرىنىڭ ۋىزا چەكلىمىسىگە ئۇچرىغانلىقى ئېنىق دېيىلمىگەن بولۇپ، پەقەت «كۆچمەنلەر ۋە دۆلەت گىراژدانلىقى قانۇنى»نىڭ 212-ماددىسىنىڭ ئالاقىدار تارماق مەزمۇنىغا ئاساسەن تەدبىر قوللانغانلىقى بايان قىلىنغان.
«كۆچمەنلەر ۋە دۆلەت گىراژدانلىقى قانۇنى»نىڭ ماددىسىغا ئاساسەن، ئەگەر مەلۇم بىر چەت ئەللىكنىڭ ئامېرىكىغا كىرىشى ئامېرىكىنىڭ دىپلوماتىيە سىياسىتىگە جىددىي سەلبىي تەسىر كۆرسىتىدىغان بولسا، ئۇنىڭ ئامېرىكىغا كىرىشىگە رۇخسەت قىلىنمايدىكەن.
تەييارلىغۇچى: ئابدۇخەبەر رەجەپ