- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي ئىجتىمائىي تاراتقۇلارغا زەربە بېرىشنى داۋاملىق كۈچەيتمەكتە
خىتاي ئىجتىمائىي تاراتقۇلارغا زەربە بېرىشنى داۋاملىق كۈچەيتكەن بولۇپ، تونۇلغان بىر قىسىم تور چولپانلىرىنىڭ ھېسابىنى تاقىۋەتكەن.
ئامېرىكا ئاۋازىنىڭ 28-ماي خەۋەر قىلىشىچە، خىتاي قاتتىق چەكلىمە، نازارەت ئاستىدىكى ئىجتىمائىي ئالاقە سۇپىلىرىغا زەربە بېرىش سالمىقىنى تېخىمۇ كۈچەيتكەن بولۇپ، خىتاي تەكشۈرۈش ئورگانلىرى داڭق چىقارغان بىر تۈركۈم تور چولپانلىرىنىڭ ھېسابىنى تاقىغان.
خىتاينىڭ تېڭشۈن، دوۋيىن، ۋېيبو، شياۋخوڭشۇ، كۇەيشو ۋە بىلىبىلى قاتارلىق بىر قانچە ئىجتىمائىي ئالاقە سۇپىسى ئىككى ھەپتە ئىلگىرى بىرلا ۋاقىتتا ئۇقتۇرۇش تارقاتقان. ئۇقتۇرۇشتا «ھۇزۇر-ھالاۋەتنى كۆز-كۆز قىلىش، باي بولۇش چۈشى كۆرۈشكە ئوخشاش ساغلام بولمىغان مەزمۇنلار»نى تارقىتىشىنىڭ چەكلەنگەنلىكى ئېلان قىلىنغان.
فىرانسىيە ئاگېنتلىقىنىڭ خەۋەر قىلىشىچە، ئالاھىدە قىممەت كىيىم-كېچەك، زىبۇزىننەتلىرىنى كۆرسىتىش بىلەن داڭق چىقارغان، نەچچە مىليون ئەگەشكۈچىسى بولغان بىر قىسىم ھېسابلار «قائىدە-نىزاملارغا خىلاپلىق قىلىش» بىلەن چەكلەنگەن. باشقا بىر قىسىم تور چولپانلىرىمۇ تور دۇنياسىدىن غايىب بولغان.
خىتاينىڭ ئىجتىمائىي تاراتقۇلاردىكى كونتروللۇقى ۋە باستۇرۇشلىرى يىلدىن-يىلغا كۈچىيىپ ماڭغان بولۇپ، تۈرلۈك ناملار بىلەن «تازىلاپ» كەلمەكتە. بىر قىسىم ئانالىزچىلار خىتاينىڭ بۇ قېتىملىق باستۇرۇش ھەرىكىتىنىڭ خىتايدىكى ئىقتىسادىي چېكىنىش بىلەن ئالاقىسى بارلىقىنى، تۇرمۇش ناچارلىشىۋاتقان ۋە قىيىنلىشىۋاتقان بىر پەيتتە، خىتاي رېجىمىنىڭ ئەندىشە قىلىۋاتقىنى تور دۇنياسىدىكى ھەشەمەتلىك تۇرمۇشنى كۆز-كۆز قىلىدىغان مەزمۇنلار سەۋەبلىك، پۇقرالارنىڭ ئىقتىسادىي جەھەتتىكى نارازىلىق كەيپىياتىنىڭ كۈچىيىپ كېتىشى ئىكەنلىكىنى ئىلگىرى سۈرگەن.
تەييارلىغۇچى: ئابدۇخەبەر رەجەپ