- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئامېرىكا پارلامېنت ئەزاسى تەيۋەننى زىيارەت قىلىپ يېڭى پىرېزىدېنتنى تەبرىكلىدى
ئامېرىكىنىڭ يۇقىرى دەرىجىلىك پارلامېنت ئەزاسى تەيۋەننى زىيارەت قىلىپ، تەيۋەننىڭ تاجاۋۇزچىلىققا قارشى ھەرىكىتىنى قوللايدىغانلىقىنى قايتا تەكىتلىدى.
ئامېرىكا ئاۋازىنىڭ بۇ ھەقتىكى خەۋىرىدە قەيت قىلىنىشىچە، ئامېرىكا ئاۋام پالاتاسى تاشقى ئىشلار كومىتېتىنىڭ رەئىسى جۇمھۇرىيەتچى مايكېل مىكول ۋەكىللەر ئۆمىكىنى باشلاپ تەيۋەننى زىيارەت قىلغان بولۇپ، 27-ماي تەيۋەننىڭ يېڭى پىرېزىدېنتى لەي چىڭدې بىلەن سۆھبەت ئۆتكۈزگەن ۋە تەيۋەننىڭ خىتاي كوممۇنىست رېجىمىنىڭ تاجاۋۇزچىلىقىغا قارشى تۇرۇش ھەرىكىتىنى قوللايدىغانلىقىنى تەكىتلىگەن.
بۇ ئۆمەك لەي چىڭدې قەسەم بېرىپ ۋەزىپە تاپشۇرۇۋالغاندىن بۇيان تۇنجى قېتىم تەيۋەننى زىيارەت قىلغان ئامېرىكا پارلامېنت ۋەكىللەر ئۆمىكى بولۇپ قالغان. لەي چىڭدې ۋەزىپىگە ئولتۇرۇپ ئۈچ كۈن ئۆتكەندىن كېيىن، خىتاي كوممۇنىست رېجىمى تەيۋەن ئەتراپىدىكى دېڭىز ۋە ھاۋا تەۋەلىكىدە ھەربىي مانېۋىر ئۆتكۈزگەنىدى ۋە بۇ مانېۋىرنىڭ «تەيۋەن مۇستەقىللىق كۈچلىرىگە ئاگاھلاندۇرۇش» ئىكەنلىكىنى دەۋا قىلغانىدى.
مايكېل مىكول دۈشەنبە ئەتىگەندە لەي چىڭدې بىلەن كۆرۈشكەندە، ئامېرىكا پارلامېنتىدىكى ئىككى پارتىيەنىڭ بىردەك تەيۋەننى قوللايدىغانلىقىدەك مەيدانىنى يەتكۈزگەن.
مايكېل مىكول خىتاينىڭ ئالدىنقى كۈنلەردىكى تەھدىت خاراكتېرلىك ھەربىي مانېۋىرنى ئەيىبلەپ: «بۇ مانېۋىر خىتاي كومپارتىيەسىنىڭ تىنچ يول بىلەن تەيۋەننى قولغا كەلتۈرۈش نىيىتى يوقلۇقىنى كۆرسەتتى» دېگەن ۋە خىتاي-رۇسىيە-ئىران ھەمكارلىقىنى ئەيىبلەپ: «بىز ئىككىنچى دۇنيا ئۇرۇشىدىن بۇيان، بۇنداق تەپتارتمىغان زوراۋانلىق ۋە ئوچۇق-ئاشكارا تاجاۋۇزچىلىقنى كۆرمىدۇق» دېگەن.
لەي چىڭدې ئامېرىكا پارلامېنت ئەزاسىنىڭ تەيۋەننى قوللىغانلىقىغا رەھمەت ئېيتقان ۋە ئامېرىكا پارلامېنتىنىڭ تۈرلۈك قانۇن لايىھەلىرىنى داۋاملىق ماقۇللاپ، تەيۋەننىڭ ئۆزىنى قوغداش ئىقتىدارىنى كۈچەيتىشىگە ياردەم قىلىشىنى ئۈمىد قىلىدىغانلىقىنى بىلدۈرگەن.
تەييارلىغۇچى: ئابدۇخەبەر رەجەپ