- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
پاكىستان ئۆلگەن خىتايلارنىڭ ھەر بىرىگە 520 مىڭ دوللار تۆلەم تۆلەيدىغان بولدى
پاكىستان ھۆكۈمىتى پاكىستاندا ھۇجۇمغا ئۇچراپ ئۆلگەن ھەر بىر خىتاي ئۈچۈن 520 مىڭ ئامېرىكا دوللىرى تۆلەم تۆلەيدىغانلىقىنى ئېلان قىلدى.
ئامېرىكا ئاۋازىنىڭ 25-ماي خەۋەر قىلىشىچە، پاكىستان ھۆكۈمىتى بۇ يىل ئۆزىنى قوشۇپ پارتلىتىش ۋەقەسىدە ئۆلگەن خىتاي ئىشچىلىرىنىڭ ئائىلە-تاۋابىئاتلىرىغا جەمئىي 2 مىليون دوللاردىن ئارتۇق تۆلەم تۆلەيدىغانلىقىنى بىلدۈرگەن.
پاكىستاننىڭ يۇقىرى دەرىجىلىك ئىقتىسادىي باشقۇرۇش ئورگىنى بولغان ئىقتىسادنى ماسلاشتۇرۇش كېڭىشى ئالدىنقى ھەپتە چەت ئەللىك زىيانكەشلىككە ئۇچرىغۇچىلارنىڭ ئائىلە-تاۋابىئاتلىرىغا 2 مىليون 880 مىڭ دوللار تۆلەم بېرىشنى تەستىقلىغان بولۇپ، ھەر بىر كىشىگە ئوتتۇرا ھېساب بىلەن 516 مىڭ دوللار (تەخمىنەن 3 مىليون 700 مىڭ يۈەن) توغرا كېلىدىكەن.
پاكىستان مالىيە مىنىستىرى مۇھەممەد ئاۋراڭزېب بۇ كومىتېتقا باشچىلىق قىلغان بولۇپ، كومىتېت يەنە پارتلاشتا ھاياتىدىن ئايرىلغان پاكىستان پۇقرالىرىنىڭ ئائىلە-تاۋابىئاتلىرىغا 9000 دوللارغا يېقىن تۆلەم بېرىشنى تەستىقلىغان.
بۇ يىل 26-مارت بىر ئۆزىنى قوشۇپ پارتلاتقۇچى ماشىنىسىنى پاكىستاننىڭ غەربىي شىمالىدىكى توسما قۇرۇلۇشىغا كېتىۋاتقان، خىتاي ئىنژېنېر ۋە ئىشچىلار ئولتۇرغان ماشىنا ئەترىتىگە سوققان بولۇپ، ماشىنىدىكى بەش خىتاي، بىر پاكىستانلىق شوپۇر ئۆلگەنىدى. بۇ، بۇ يىل پاكىستاندىكى خىتاي مەبلەغ سالغان قۇرۇلۇش تۈرلىرىگە ئالاقىدار ئۈچىنچى قېتىملىق ھۇجۇم بولۇپ قالغان. ئۆلگەن بەش خىتاينىڭ تۆتى قۇرۇلۇش ئىشچىسى، بىرى ئىنژېنېر ئىكەن. ئۆزىنى قوشۇپ پارتلىتىش ھۇجۇمى شاڭلا ناھىيەسىنىڭ تاغلىق رايونىدىكى بىر تاغ يولىدا يۈز بەرگەن. مەلۇم بولۇشىچە، مىڭلىغان خىتاي يەرلىكتىكى خىتاي مەبلەغ سالغان تۈرلەردە ئىشلەيدىكەن.
ئالدىنقى ئىككى قېتىملىق ھۇجۇمدا پاكىستاننىڭ غەربىي جەنۇبىدىكى بەلۇجىستان ئۆلكىسىگە جايلاشقان ھاۋا ئارمىيە بازىسى ۋە ئىستراتېگىيەلىك پورت شەھىرى نىشانغا ئېلىنغان بولۇپ، خىتاي مەزكۇر رايوندىكى ئۇل ئەسلىھە قۇرۇلۇشى تۈرىگە مىليارد دوللارلاپ مەبلەغ سالغان.
داسۇ رايونىدا ئىلگىرىمۇ ھۇجۇم ۋەقەلىرى يۈز بەرگەن بولۇپ، 2021-يىلى خىتايلار ئولتۇرغان ئاپتوبۇس بومبا ھۇجۇمىغا ئۇچراپ، توققۇز خىتاينى ئۆز ئىچىگە ئالغان 13 كىشى ئۆلگەنىدى.
تەييارلىغۇچى: ئابدۇخەبەر رەجەپ