- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
فىلىپپىن خىتايغا قارشى ياپونىيەدىن ھەربىي پاراخوت سېتىۋېلىشنى قارار قىلدى
خىتاي بىلەن بولغان جىددىيچىلىك داۋاملىق كۈچىيىۋاتقان بىر پەيتتە، فىلىپپىن ھۆكۈمىتى ياپونىيەدىن تېخىمۇ كۆپ چارلىغۇچى پاراخوت سېتىۋېلىشنى قارار قىلدى.
ئامېرىكا ئاۋازىنىڭ خەۋەر قىلىشىچە، فىلىپپىن خىتاينىڭ جەنۇبىي دېڭىزدا كۈنسېرى كۈچىيىۋاتقان بېسىمىغا دۇچ كېلىۋاتقان بولۇپ، فىلىپپىن ھۆكۈمىتى 17-ماي ياپونىيەدىن قىممىتى 400 مىليون دوللاردىن ئاشىدىغان بەش تال دېڭىز قىرغىقى مۇھاپىزەت ئەترىتى چارلىغۇچى پاراخوتىنى سېتىۋېلىشقا قوشۇلغانلىقىنى ئېلان قىلغان.
فىلىپپىن تاشقى ئىشلار مىنىستىرلىقى باياناتىدا، ياپونىيەنىڭ فىلىپپىننى 64 مىليارد 380 مىليون يىن (413 مىليون دوللار) قەرز بىلەن تەمىنلەيدىغانلىقى، فىلىپپىننىڭ بۇ پۇلنى 97 مېتىر ئۇزۇنلۇقتىكى بەش تال كۆپ ئىقتىدارلىق چارلىغۇچى پاراخوت سېتىۋېلىشقا ۋە مۇناسىۋەتلىك ئۈسكۈنىلەرنى تەتقىق قىلىشقا ئىشلىتىدىغانلىقى قەيت قىلىنغان.
باياناتتا يەنە: «بۇ فىلىپپىن دېڭىز قىرغىقى مۇھاپىزەت ئەترىتىنىڭ دېڭىز-ئوكيان ھەرىكەت ئىقتىدارىنى، بولۇپمۇ دۆلەت ھالقىغان جىنايەتلەرنى بىر تەرەپ قىلىش ئىقتىدارىنى يۇقىرى كۆتۈرىدۇ» دېيىلگەن.
نۆۋەتتە فىلىپپىن دېڭىز قىرغىقى مۇھاپىزەت ئەترىتىنىڭ ئۇزۇنلۇقى 97 مېتىر كېلىدىغان ئىككى چارلاش پاراخوتى بار بولۇپ، بۇ فىلىپپىننىڭ كەڭ دېڭىز رايونلىرىنى چارلىشىغا يەتمەيدىكەن. نۆۋەتتە ياپونىيە فىلىپپىننىڭ تەرەققىيات ئىشلىرىغا ياردەم بېرىدىغان ئەڭ چوڭ تەمىنلىگۈچىسى بولماقتا.
ئۈچ ھەپتە ئىلگىرى خىتاي دېڭىز قىرغىقى مۇھاپىزەت ئەترىتى پاراخوتى فىلىپپىن دېڭىز قىرغىقى مۇھاپىزەت ئەترىتى ۋە بېلىقچىلىق ۋە سۇ بايلىقى ئىدارىسىنىڭ ئىككى پاراخوتىغا يۇقىرى بېسىملىق سۇ زەمبىرەكلىرى بىلەن ھۇجۇم قىلىپ، فىلىپپىن پاراخوتلىرىغا زەرەر يەتكۈزگەنىدى. بۇ ئىككى تەرەپ ئوتتۇرىسىدىكى ئەڭ يېڭى دېڭىز توقۇنۇشى بولۇپ، بۇ ئەھۋال جەنۇبىي دېڭىزدىكى جىددىيچىلىكنى كۈچەيتىۋەتكەنىدى. فىلىپپىن ئامېرىكا بىلەن خىتايغا قارشى ھەمكارلىقنى كۈچەيتىۋاتقان بولۇپ، 8-ماي ئامېرىكا ۋە فىلىپپىن «مۈرىنى مۈرىگە تىرەش» ناملىق ھەربىي مانېۋىر ئۆتكۈزگەنىدى.
تەييارلىغۇچى: ئابدۇخەبەر رەجەپ