- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
كانادانىڭ ئالتۇن شىركىتى ئۇيغۇر مەجبۇرىي ئەمگىكى سەۋەبلىك ئەيىبلەندى
كانادانىڭ سودا ئەخلاقىنى نازارەت قىلىش ئورگىنى ئەڭ يېڭى دوكلاتىدا «سۇلالە ئالتۇن شىركىتى»نى ئۇيغۇر مەجبۇرىي ئەمگىكىگە چېتىلىش بىلەن ئەيىبلىدى.
رويتېرس ئاگېنتلىقىنىڭ بۇ ھەقتىكى خەۋىرىدە قەيت قىلىنىشىچە، كانادا سودا ئەخلاقىنى نازارەت قىلىش ئورگىنى 26-مارت ۋانكوۋېرغا جايلاشقان سۇلالە ئالتۇن شىركىتىنى ئەيىبلەپ، مەزكۇر شىركەتنىڭ خىتاي ئىگىلىكىدىكى ئالتۇن كان شىركىتى بىلەن ھەمكارلاشقانلىقىنى، شەرقىي تۈركىستاندىكى ئۇيغۇر مەجبۇرىي ئەمگەك كۈچىنى ئىشلىتىشكە، كىشىلىك ھوقۇق دەپسەندىچىلىكىگە چېتىلغانلىقىنى بىلدۈرگەن. ئەمما سۇلالە ئالتۇن شىركىتى ئالاقىدار دوكلاتنىڭ توغرا ئەمەسلىكىنى دەۋا قىلغان.
ئىلگىرى كانادادىكى 28 تەشكىلات كانادا سودا ئەخلاقىنى نازارەت قىلىش ئورگىنى «CORE»غا ئەرز سۇنغان بولۇپ، شىكايەتتە سۇلالە ئالتۇن شىركىتىنىڭ شەرقىي تۈركىستاندىكى خاتۇ كانچىلىق تۈرىگە قاتناشقانلىقى، 2017-يىلى، 2019-يىلى ۋە 2020-يىلى كان ئېچىش جەريانىدا مەجبۇرىي ئەمگەك كۈچىدىن پايدىلانغانلىقى ياكى بۇنىڭدىن پايدا ئالغانلىقى ئوتتۇرىغا قويۇلغان. بۇنىڭغا ئاساسەن كانادا سودا ئەخلاقىنى نازارەت قىلىش ئورگىنى «CORE» سۇلالە ئالتۇن شىركىتىگە قارىتا تەكشۈرۈشنى باشلىغان بولۇپ، ئاخىرىدا مەزكۇر دوكلات پۈتۈپ چىققان.
سودا ئەخلاقىنى نازارەت قىلىش ئورگىنى «CORE» دوكلاتىدا سۇلالە ئالتۇن شىركىتىنىڭ خىتاي رەڭلىك مېتال شىركىتى ۋە غەربىي رايون ئالتۇن شىركىتىدىن ئىبارەت ئىككى شىركەت ئارقىلىق، مەجبۇرىي ئەمگەككە قاتناشقانلىقى يەكۈنلەنگەن. مەزكۇر ئىككى خىتاي شىركىتى «Terraxin» دەپ ئاتىلىدىغان باشقا بىر شىركەت بىلەن چېتىشلىق بولۇپ، سۇلالە ئالتۇن شىركىتى «Terraxin» نىڭ چوڭ پاي ھەسسىدارى ئىكەن.
تەييارلىغۇچى: ئابدۇخەبەر رەجەپ