- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ھىندىستان بىلەن بۇتان خىتايغا قارشى ھەمكارلىقىنى كۈچەيتتى
ھىندىستان بىلەن بۇتاننىڭ رەھبەرلىرى ئارقا-ئارقىدىن ئۆزئارا زىيارەت قىلىشىپ، چېگرا مەسىلىسىدە خىتايغا قارشى ھەمكارلىق ئورناتماقتا.
ئامېرىكا ئاۋازىنىڭ 20-مارتتىكى خەۋىرىدە بىلدۈرۈلۈشىچە، ھىندىستان باش مىنىستىرى نارېندرا مودى بۇ ھەپتە بۇتاننى زىيارەت قىلىدىغان بولۇپ، ئىككى تەرەپنىڭ كۆپلىگەن ساھەلەردىكى ھەمكارلىقى تېخىمۇ كۈچىيىشى مۇمكىن ئىكەن. بىر نەچچە كۈن ئىلگىرى بۇتان باش مىنىستىرى شېرىڭ توبگېيمۇ ھىندىستاندا بەش كۈنلۈك زىيارەتتە بولغان بولۇپ، بۇتان بىلەن خىتاي ئوتتۇرىسىدىكى چېگرا سۆھبىتىنى تېزلىتىش مەسىلىسى مۇھىم كۈنتەرتىپ بولغان.
شېرىڭ توبگېي بۇ يىل 1-ئايدا ئىككىنچى قېتىم باش مىنىستىرلىق ۋەزىپىسىنى تاپشۇرۇۋالغاندىن كېيىن تۇنجى قېتىم ھىندىستاننى زىيارەت قىلغان. كۆزەتكۈچىلەر ئۇنىڭ زىيارىتىنىڭ خىتاي بىلەن بۇتاننىڭ ئۇزۇندىن بۇيان داۋاملىشىپ كېلىۋاتقان چېگرا ماجىراسىنى تېزدىن ھەل قىلىشتا ئەھمىيەتلىك ئىكەنلىكىنى، بۇتان بىلەن خىتاينىڭ چېگرا ماجىراسىنى قانداق ھەل قىلىشى ھىندىستاننىڭ بىخەتەرلىك مەنپەئەتىگە تەسىر كۆرسىتىشى مۇمكىنلىكىنى بىلدۈرۈشكەن.
ھىندىستان ھۆكۈمىتى خىتاي بىلەن بۇتاننىڭ يېقىندا بېيجىڭدا ئاخىرلاشقان 25-نۆۋەتلىك چېگرا سۆھبىتىگە دىققەت قىلغان بولۇپ، ئىككى تەرەپ سۆھبەتتە ھەمكارلىق كېلىشىمى ئىمزالاپ، تالاش-تارتىشتىكى چېگرانى ئايرىش ۋەزىپىسىگە بىرلەشمە تېخنىكا گۇرۇپپىسى مەسئۇل بولغانلىقىنى ئېلان قىلغان.
شېرىڭ توبگېي 14-مارتتىن 18-مارتقىچە بولغان بەش كۈنلۈك زىيارىتى جەريانىدا ھىندىستان پىرېزىدېنتى مۇرمۇ بىلەن كۆرۈشكەن ۋە باش مىنىستىر نارېندرا مودى بىلەن كەڭ دائىرىدە سۆھبەتلەشكەن.
ھىندىستان تاشقى ئىشلار مىنىستىرى سۇبراھمانيام جايشانكار بۇ ھەقتە توختىلىپ: «بۇتان باش مىنىستىرىنىڭ زىيارىتى ھەر ئىككى تەرەپكە ئۆزگىچە ھەمكارلىقىمىزنىڭ ئىلگىرىلەش ئەھۋالىنى كۆزدىن كەچۈرۈش ۋە ھىندىستان بىلەن بۇتان ئوتتۇرىسىدىكى ئۇزۇن مۇددەتلىك دوستلۇق ۋە ھەمكارلىق رىشتىسىنى كېڭەيتىشنىڭ يوللىرى ۋە ۋاسىتىلىرىنى مۇزاكىرە قىلىش پۇرسىتى بىلەن تەمىنلەيدۇ» دېگەن.
تەييارلىغۇچى: ئابدۇخەبەر رەجەپ