- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
نېپالدىكى داۋالغۇش ھىندىستان بىلەن خىتاي ئوتتۇرىسىدىكى رىقابەتنى كۈچەيتتى
نېپالدىكى سىياسىي داۋالغۇشنىڭ ھىندىستان بىلەن خىتاي ئوتتۇرىسىدىكى رىقابەتنى كۈچەيتكەنلىكى ئوتتۇرىغا قويۇلماقتا.
نىككې ئاسىيا تورىنىڭ 16-مارت خەۋەر قىلىشىچە، نېپالنىڭ ئىككى كوممۇنىستىك پارتىيەسى بولغان ماۋزېدۇڭچىلار مەركىزى بىلەن ماركسىزمچىلار-لېنىنىزمچىلار ئىتتىپاقىدىن تەركىب تاپقان نېپالنىڭ يېڭى سىياسىي ئىتتىپاقى بۇ دۆلەتنى خىتايغا يېقىنلاشتۇرۇشى مۇمكىن ئىكەن.
مالدىۋېنىڭ خىتايپەرەس يېڭى رەھبىرى ئۆز دۆلىتىنىڭ ھىندىستاننى ئالدىنقى ئورۇنغا قويغان سىياسىتىنى ئاخىرلاشتۇرىدىغانلىقى توغرىسىدا ۋەدە بەرگەن بولۇپ، ھىندىستان بۇ سەۋەبلىك ئۆزىنى تارتىشقا باشلىغان. مەزكۇر ئىككى پارتىيەنىڭ ھەمكارلىشىشى دەل بۇ ۋەزىيەتكە ئەگىشىپلا ئوتتۇرىغا چىققان بولۇپ، خىتاي بىلەن ھىندىستان ئوتتۇرىسىدىكى رىقابەتنىڭ تېخىمۇ كېڭىيىپ كېتىشى ھەققىدىكى پەرەزلەرنى كۈچەيتىۋەتكەن.
خىتاي ئاللىبۇرۇن مەزكۇر يېڭى ئىتتىپاقنى تەبرىكلىگەن ھەمدە ئىككى تەرەپ مۇناسىۋىتىنى كۈچەيتىشكە ۋەدە بەرگەن. بۇ خىل ئۆزگىرىش بېنگال ۋە بۇتان بىلەن قويۇق مۇناسىۋىتى بار ۋە سىرىلانكىدا دىپلوماتىك ئورۇنغا ئېرىشكەن ھىندىستانغا نىسبەتەن بىر ئوڭۇشسىزلىق دەپ قارالغان.
ھىندىستان بۇ مەسىلىگە رەسمىي ئىنكاس قايتۇرمىغان بولۇپ، كۆزەتكۈچىلەرنىڭ ئېيتىشىچە، نېپالدىكى تالاش-تارتىش دېھلىغا نىسبەتەن ئېنىق ئوڭۇشسىزلىق ئىكەن. چۈنكى يېڭى ئىتتىپاق يەنە بىر قانچە كىچىك سولچىل پارتىيەلەرنىمۇ ئۆزىگە جەلپ قىلغان.
خىتاي بۇ سىياسىي داۋالغۇشنىڭ پەردە ئارقىسىدا رول ئوينىغان بولۇپ، خىتاي ھەربىي ۋەكىللەر ئۆمىكى ئالمىشىپ بىر نەچچە كۈندىن كېيىن نېپالنى زىيارەت قىلغان ۋە مۇداپىئە ھەمكارلىقىنى كۈچەيتىشكە ۋەدە بەرگەن.
تەييارلىغۇچى: ئابدۇخەبەر رەجەپ