- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاينىڭ ھىندىستاندىكى يالغان ئۇچۇر ۋە تەشۋىقاتلىرى ئاشكارىلاندى
ھىندىستان ئىستىخبارات خادىملىرى ھىندىستاندىكى بىر تۈركۈم ئىجتىمائىي تاراتقۇ مەشھۇرلىرىنىڭ خىتاينى قوللايدىغان ساختا ئۇچۇر تارقىتىۋاتقانلىقىنى ئېنىقلاپ چىققان.
ئامېرىكا ئاۋازىنىڭ 10-مارت خەۋەر قىلىشىچە، خىتاينىڭ پائالىيىتىنى نازارەت قىلىش ۋەزىپىسىنى ئۈستىگە ئالغان ھىندىستان بىخەتەرلىك ئورگانلىرى ئۇچۇرلارنى تەھلىل قىلىش ۋە ئىجتىمائىي تاراتقۇلاردا تەسىرگە ئىگە مەزكۇر خىتايپەرەس شەخسلەرنى نازارەت قىلىش ئارقىلىق، ئۇلارنىڭ تۈرلۈك پائالىيەتلىرى ۋە ئىجتىمائىي تاراتقۇلارغا يوللىغان مەزمۇنلىرىنىڭ تىزىملىكىنى تۇرغۇزۇپ چىققان.
ئىسمىنى ئاشكارىلاشنى خالىمىغان بىر ھىندىستان ئەمەلدارى ئامېرىكا ئاۋازىغا: «مەزكۇر تور مەشھۇرلىرى ئىقتىسادىي مەنپەئەت ئۈچۈن ھەرىكەت قىلغان بولۇشى مۇمكىن. ئۇلار خىتاي رېجىمىنىڭ ھىندىستاندا يالغان تەشۋىقات تارقىتىشىغا ياردەم بەرگەن. بۇ ھىندىستانغا ئېغىر خەتەر ئېلىپ كېلىدۇ، ئۇلارنىڭ ياشلاردىن زور مىقداردا ئەگەشكۈچىلىرى بار، بەزىلىرىنىڭ ئەگەشكۈچىلىرى مىليونغا يېتىدۇ. ئۇلارنىڭ يوللانمىلىرى ھىندىستاندا جامائەت پىكىرىنى شەكىللەندۈرۈشتە ئىنتايىن مۇھىم بولۇپ، بۇ تەھدىتنى يوقىتىشنىڭ تەخىرسىز ئىكەنلىكىنى تەكىتلەيمەن» دېگەن.
ھىندىستان ئەمەلدارىنىڭ قارىشىچە، بۇلارنىڭ ھەممىسى خىتاينىڭ ھىندىستان قاتارلىق رەقىب دۆلەتلەردىكى ئىجتىمائىي تاراتقۇلارنىڭ تەسىر كۈچىدىن پايدىلىنىپ، خىتاينىڭ ئۇچۇرلىرىنى تارقىتىش ئىستراتېگىيەسىنىڭ بىر قىسىمى ئىكەن. يالغان ئۇچۇرلارنىڭ كۆپىنچىسى ئىلمىي تەتقىقاتلارغا، تاراتقۇلارنىڭ خەۋەرلىرىگە ۋە چەت ئەل ھۆكۈمەتلىرىنىڭ باياناتلىرىغا قارشى تۇرۇشنى ئاساس قىلىدىكەن.
ھىندىستانلىق ئانالىزچىلارنىڭ ئېيتىشىچە، خىتاي رېجىمى نۆۋەتتە تارقىتىۋاتقان ساختا ۋە ئۇچۇر تارقىتىش ھەرىكىتىنىڭ ئاساسلىق نىشانى ھىندىستان بىلەن ئامېرىكا قاتارلىق دۆلەتلەر ئىكەن.
تەييارلىغۇچى: ئابدۇخەبەر رەجەپ