- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئەنقەرەدە «شەرقىي تۈركىستاندا ئايال بولۇش» تېمىسىدا مۇھاكىمە يىغىنى ئۆتكۈزۈلدى
خەلقئارا ئاياللار كۈنى مۇناسىۋىتى بىلەن 9-مارت ئەنقەرە مىللىي كۇتۇپخانىسىدا «شەرقىي تۈركىستاندا ئايال بولۇش» ناملىق مۇھاكىمە يىغىنى ئۆتكۈزۈلدى.
مۇھاكىمە يىغىنى ئۇيغۇر ئاكادېمىيەسى ۋەقفى، ULUĞ خەلقئارا ياش ئىگىلىك تىكلىگۈچىلەر ۋە يېتەكچىلەر تورى ھەمدە ئۇماي ئانا تۈرك دۇنياسىنىڭ ھەمكارلىقىدا تەشكىللەنگەن.
مۇھاكىمە يىغىنىدا ئۇيغۇر ئاكادېمىيەسى ۋەقفى رەئىسى دوكتور مەغپىرەت كامال يۇنۇسئوغلى خانىم لېكسىيە سۆزلەپ، شەرقىي تۈركىستاندىكى خىتاينىڭ جازا لاگېرلىرىغا سولانغان ئاياللار ۋە بالىلارنىڭ ئەھۋالى ھەققىدە دوكلات بەرگەندىن باشقا، ئۇيغۇر ھەرىكىتى تەشكىلاتى رەئىسى روشەن ئابباس خانىم تور ئارقىلىق ئۇيغۇر ئاياللىرىنىڭ شەرقىي تۈركىستاننىڭ ئىچى ۋە سىرتىدىكى خىتايغا قارشى كۈرەشلىرىنى چۈشەندۈرگەن.
ئارقىدىن دوكتور رابىگۈل ھاجىمۇھەممەد خىتاينىڭ پىلانلىق تۇغۇت چەكلەش سىياسىتى سەۋەبلىك ئۇيغۇرلار تارتقان قىيىنچىلىق ۋە ئازاب-ئوقۇبەتلەرنى ئەمەلىي مىساللار بىلەن چۈشەندۈرگەن.
ئاخىرىدا ئوتتۇرا شەرق تېخنىكا ئۇنىۋېرسىتېتى خەلقئارا مۇناسىۋەتلەر بۆلۈمى دوتسېنتى ئىشىق قۇشچۇ خانىم خىتاينىڭ ئۇيغۇرلارغا قارشى يولغا قويغان سىياسەتلىرى ھەققىدە توختىلىپ، خىتاينىڭ قىلمىشلىرىنىڭ خەلقئارا قانۇن نۇقتىسىدىن جىنايەت ھېسابلىنىدىغانلىقىنى، خەلقئارانىڭ بۇنىڭغا يېتەرلىك ئىنكاس قايتۇرۇشى كېرەكلىكىنى تەكىتلىگەن.
تەييارلىغۇچى: ئابدۇخەبەر رەجەپ