- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خەلقئارالىق رەسىم كۆرگەزمىسىدە شەرقىي تۈركىستان تونۇشتۇرۇلدى
ئەنقەرەدە 3-مارتتىن 10-مارتقىچە 10-نۆۋەتلىك خەلقئارالىق سەنئەت كۆرگەزمىسى ئۆتكۈزۈلگەن بولۇپ، كۆرگەزمىگە شەرقىي تۈركىستان ۋە ئۇيغۇرلارنىڭ ھاياتى تونۇشتۇرۇلدى.
رەسىم كۆرگەزمىسىگە ياۋروپا ئەللىرى، بىر قىسىم ئەرەب دۆلەتلىرى، سابىق يۇگوسلاۋىيەدىن ئايرىلىپ مۇستەقىل بولغان دۆلەتلەر، تۈركىيە، كورىيە، ياپونىيە قاتارلىق 45 دۆلەتتىن كەلگەن 152 رەسسام گۈزەل-سەنئەت ئەسەرلىرىنى قاتناشتۇرغان.
بۇ رەسىم كۆرگەزمىسىگە قازاقىستانلىق تونۇلغان ئۇيغۇر رەسسام ئەھمەد ئەخەت ئەپەندى قەشقەر ۋە تۇرپاندىكى تارىخىي ئۆيلەر، قەدىمىي كوچىلار ۋە ئۇيغۇرلارنىڭ ھاياتى ئەكس ئەتتۈرۈلگەن ئەسەرلىرىنى قاتناشتۇرغان. ئۇندىن باشقا كۆرگەزمىگە قازاق، ئۆزبېك، قىرغىز، ئەزەربەيجان تۈركلىرى قاتارلىق تۈركىي مىللەتلەرمۇ ئەسەر قاتناشتۇرغان.
كۆرگەزمىدە ئەھمەد ئەخەت ئەپەندىنىڭ ماي بوياق رەسىملىرى زىيارەتچىلەرنىڭ ئالاھىدە دىققىتىنى تارتقان. ھەر قايسى دۆلەتتىن كەلگەن زىيارەتچىلەر رەسىملەردە ئەكس ئەتتۈرۈلگەن كۆرۈنۈشلەردىكى قايسى مىللەتنىڭ تارىخىي ئۆيلىرى ئىكەنلىكىنى سوراشقان. ئەھمەد ئەپەندى زىيارەتچىلەرگە ئۇيغۇرلارنىڭ تارىخى، مەدەنىيىتى ۋە گۈزەل ئۆرپ- ئادەتلىرىنى تەپسىلىي تونۇشتۇرغان.
تەييارلىغۇچى: ئابدۇخەبەر رەجەپ