- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي ھىندىستاننىڭ چېگرادا ئەسكەر كۆپەيتىشىگە نارازىلىق بىلدۈردى
ھىندىستان تالاش-تارتىشتىكى چېگراغا ئەسكەر كۆپەيتكەن بولۇپ، بۇنىڭغا نارازىلىق بىلدۈرگەن خىتاي تاشقى ئىشلار مىنىستىرلىقى چېگرا تىنچلىقى ۋە خاتىرجەملىكىگە پايدىسىز ئىكەنلىكىنى دەۋا قىلدى.
ئامېرىكا ئاۋازىنىڭ 8-مارت خەۋەر قىلىشىچە، نۇرغۇن ئاخبارات ۋاسىتىلىرى يېقىندا ھىندىستاننىڭ ھىندىستاننىڭ غەربىي چېگرا رايونلىرىغا ئورۇنلاشتۇرۇلغان ئەسكەرلەردىن 10 مىڭ ئەسكەرنى ھىندىستان بىلەن تىبەت چېگراسىدىكى تالاش-تارتىش بولۇۋاتقان رايونلارغا يۆتكىگەنلىكىنى، ھىندىستاننىڭ شىمالىدىكى ئۇتتۇراكاند ۋە ھىماچال ئۆلكىسىدىكى چېگرا رايونىنى قوغدايدىغانلىقىنى خەۋەر قىلغان. مەزكۇر چېگرا رايوننىڭ ئۇزۇنلۇقى 532 كىلومېتىر كېلىدىكەن.
خىتاي تاشقى ئىشلار مىنىستىرلىقىنىڭ 8-مارت ئۆتكۈزۈلگەن قەرەللىك مۇخبىرلارنى كۈتۈۋېلىش يىغىنىدا، بىلۇمبېرگ ئاگېنتلىقىنىڭ مۇخبىرى ئالدى بىلەن خىتايدىن ھىندىستاننىڭ تالاش-تارتىشتىكى چېگرا رايونىغا 10 مىڭ ئەسكەر ئورۇنلاشتۇرۇشىغا قانداق باھا بېرىدىغانلىقىنى سورىغان. خىتاي تاشقى ئىشلار مىنىستىرلىقىنىڭ باياناتچىسى ماۋ نىڭ: «ھىندىستاننىڭ چېگرا رايونلىرىغا ھەربىي ئورۇنلاشتۇرۇشنى كۈچەيتىشى ئىككى دۆلەتنىڭ چېگرا ۋەزىيىتىنى پەسەيتىش تىرىشچانلىقىغا پايدىسىز» دەپ جاۋاب بەرگەن.
بىلۇمبېرگ ئاگېنتلىقىنىڭ مۇخبىرى ئارقىدىن يەنە: «خىتاي ھىندىستاننىڭ چېگرادىكى ئەسكەر كۆپەيتىش ھەرىكىتىنى خەتەرلىك دەپ قارامدۇ-يوق؟ خىتاي ئارمىيەسى بۇنىڭغا قارشى ئۆچ ئېلىش تەدبىرى قوللىنىشنى ئويلىشىۋاتامدۇ-يوق؟» دەپ سورىغان.
ماۋ نىڭ مۇخبىرنىڭ سوئالىغا بىۋاسىتە جاۋاب بەرمەستىن: «ھىندىستاننىڭ ھەرىكىتى «چېگرا تىنچلىقى ۋە خاتىرجەملىكىگە پايدىسىز. شۇنداقلا ئىككى تەرەپنىڭ ئورتاق تونۇشىغا ماس كەلمىگەندىن باشقا، چېگرا جىددىيلىكىنى پەسەيتىشكە پايدىسىز» دېگەن.
خىتاي بىلەن ھىندىستاننىڭ زېمىن تالاش-تارتىشىشى ئىزچىل داۋاملىشىۋاتقان بولۇپ، كۆپ قېتىملىق سۆھبەتلەردە ھېچقانداق ئىلگىرىلەش بولمىغان.
تەييارلىغۇچى: ئابدۇخەبەر رەجەپ