- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي تالاش-تارتىشتىكى دېڭىزدا ئۆكتەملىك قىلماقتا
خىتاي دېڭىز رايونىدا ئۆكتەملىك قىلمىشلىرىنى داۋاملاشتۇرۇپ، جەنۇبىي دېڭىزدىكى تالاش-تارتىش قىلىنىۋاتقان دېڭىز ساھىلىنىڭ كىرىش ئېغىزىغا يېڭى لەيلىمە توسۇقلارنى ئورناتقان.
ئامېرىكا ئاۋازىنىڭ 27-فېۋرال خەۋەر قىلىشىچە، سۈنئىي ھەمراھتىن تارتىلغان سۈرەتلەردە خىتاي دېڭىز قىرغىقى مۇھاپىزەت ئەترىتىنىڭ جەنۇبىي دېڭىزدا تالاش-تارتىش قىلىنىۋاتقان دېڭىز تەۋەلىكىدىكى سىكاربورو ئارىلى (خىتايلار خۇاڭيەن ئارىلى دەپ ئاتايدۇ) ساھىلىنىڭ كىرىش ئېغىزىغا يېڭىدىن لەيلىمە توسۇق ئورناتقانلىقى كۆرسىتىلگەن. بۇ جايدا خىتاي پاراخوتلىرى بىلەن فىلىپپىن پاراخوتلىرى ئوتتۇرىسىدا دائىم توقۇنۇش يۈز بېرىدىكەن.
رويتېرس ئاگېنتلىقى 22-فېۋرال ماكسار تېخنىكا شىركىتى تارتقان سۈنئىي ھەمراھ سۈرىتى ئارقىلىق، سىكاربورو ئارىلىنىڭ كىرىش ئېغىزىغا ئانچە يىراق بولمىغان ساھىلدا خىتاينىڭ قانۇنسىز ئورنىتىۋالغان لەيلىمە توسۇقىنى بايقىغانلىقىنى ئېلان قىلغان.
ھالبۇكى، ئالدىنقى ھەپتە خىتاي دېڭىز قىرغىقى مۇھاپىزەت ئەترىتى فىلىپپىننىڭ خىتاي دېڭىز تەۋەلىكىگە قانۇنسىز بۆسۈپ كىرگەنلىكىنى، فىلىپپىن پاراخوتىنى رايوندىن قوغلاپ چىقارغانلىقىنى دەۋا قىلغانىدى.
فىلىپپىن دېھقانچىلىق مىنىستىرلىقى قارمىقىدىكى بېلىقچىلىق ۋە سۇ بايلىقى ئىدارىسى ئالدىنقى ھەپتە سىكاربورو ئارىلى رايونىنى چارلاش ۋە شۇ يەردىكى بېلىقچىلارغا يېقىلغۇ يەتكۈزۈش ئۈچۈن پاراخوت ئەۋەتكەن. ئالاقىدار ئەمەلدارلارنىڭ ئېيتىشىچە، خىتاينىڭ باياناتى يالغان بولۇپ، فىلىپپىن پاراخوتلىرىنىڭ ئۇ يەردىكى پائالىيەتلىرى پۈتۈنلەي قانۇنلۇق ئىكەن.
تەييارلىغۇچى: ئابدۇخەبەر رەجەپ