- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
مېڭىسىگە تۇنجى قېتىم ئۆزەك ئورنىتىلغان كىشى مېڭە ئارقىلىق مائۇسنى كونترول قىلدى
ئامېرىكىلىق داڭلىق كارخانىچى ئېلون ماسكنىڭ شىركىتى Neuralink تەرىپىدىن تۇنجى قېتىم مېڭىسىگە ئۆزەك ئورنىتىلغان كىشى مېڭىسى ئارقىلىق كومپيۇتېر مائۇسىنى بىۋاسىتە كونترول قىلالىغان.
ئامېرىكا CNN قانىلىنىڭ 20-فېۋرالدىكى خەۋىرىدە بىلدۈرۈلۈشىچە، ئېلون ماسك: «ئىلگىرىلەش ناھايىتى ئوڭۇشلۇق بولدى، بىمارنىڭ سالامەتلىكى پۈتۈنلەي ئەسلىگە كەلدى، بىز ھېس قىلالايدىغان ھېچقانداق ناچار تەسىر بولمىدى. ئۇ مائۇسنى كونترول قىلالايدۇ، پەقەت ئوي-خىيالى ئارقىلىقلا ئېكراندا مائۇسنى يۆتكىيەلەيدۇ» دېگەن. بۇ كومپيۇتېر مائۇسنى يۇقىرى-تۆۋەن يۆتكەش قاتارلىقلارنى ئۆز ئىچىگە ئالىدىكەن.
Neuralink شىركىتى نۆۋەتتە مېڭىگە ئۆزەك ئورنىتىشنى تەرەققىي قىلدۇرۇۋاتقان بولۇپ، ئېغىر پالەچ بىمارلارنىڭ پەقەت نېرۋا سىگنالى ئارقىلىق تاشقى ئۈسكۈنىلەرنى كونترول قىلىشىغا ياردەم بېرىش ئۈچۈن لايىھەلەنگەن. بۇ شىركەت 2023-يىلى 5-ئايدا ئامېرىكا يېمەكلىك ۋە دورا نازارەت قىلىش باشقۇرۇش ئىدارىسىنىڭ تەستىقىنى ئېلىپ، ئىنسانلار ئۈستىدە كىلىنىكىلىق تەتقىقات ئېلىپ بارغان. ئارقىدىن سىناققا قاتناشقۇچىلارنى قوبۇل قىلغان. بۇ يىل 29-يانۋار ئېلون ماسك ئىجتىمائىي تاراتقۇ ھېسابىدا Neuralink شىركىتىنىڭ ئىنسانلارنىڭ مېڭىسىگە ئۆزەك ئورنىتىش ئوپېراتسىيەسىنى تاماملىغانلىقىنى ۋە بىمارنىڭ ئەھۋالىنىڭ نورمال ئىكەنلىكىنى ئېلان قىلغانىدى.
تەييارلىغۇچى: ئابدۇخەبەر رەجەپ