- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
چەت ئەلنىڭ خىتايغا سالغان مەبلىغى 30 يىلدىن بۇيانقى ئەڭ تۆۋەن چەككە چۈشۈپ قالدى
چەت ئەل شىركەتلىرىنىڭ خىتايغا بىۋاسىتە سالغان مەبلىغىنىڭ 30 يىلدىن بۇيانقى ئەڭ تۆۋەن چەككە چۈشۈپ قالغانلىقى بىلدۈرۈلدى.
بىلۇمبېرگ خەۋەر ئاگېنتلىقىنىڭ 19-فېۋرالدىكى خەۋىرىگە ئاساسلانغاندا، چەت ئەل شىركەتلىرىنىڭ ئۆتكەن يىلى خىتايغا سالغان بىۋاسىتە مەبلىغى 1990-يىللارنىڭ بېشىدىن بۇيانقى ئەڭ تۆۋەن چەككە چۈشۈپ قالغان.
خىتاي تاشقى پېرېۋوت باشقۇرۇش ئىدارىسى 18-فېۋرال ئېلان قىلغان سانلىق مەلۇماتتا كۆرسىتىلىشىچە، خىتاي قوبۇل قىلغان خەلقئارالىق مەبلەغ ئىچىدىكى بىۋاسىتە مەبلەغ قەرزى ئۆتكەن يىلى 33 مىليارد دوللار ئاشقان. بۇ سانلىق مەلۇمات خىتايغا سالغان چەت ئەل مەبلىغى ۋە مەبلەغ سالغان ئورۇنلارغا مۇناسىۋەتلىك پۇل ئوبوروتىنى خاتىرىلىگەن بولۇپ، 2022-يىلىدىكىگە سېلىشتۇرغاندا %82 تۆۋەنلىگەن. بۇ سانلىق مەلۇمات بويىچە بولغاندا خىتايغا سېلىنغان چەت ئەل مەبلىغى 1993-يىلىدىن بۇيانقى ئەڭ تۆۋەن سەۋىيەگە چۈشۈپ قالغان. مەبلەغ سېلىش مىقدارى 1998-يىلىدىن بۇيان 2023-يىلى ئۈچىنچى پەسىلدە تۇنجى قېتىم تۆۋەنلىگەن.
خىتاي سودا مىنىستىرلىقىنىڭ ئىلگىرىكى سانلىق مەلۇماتلىرىدا كۆرسىتىلىشىچە، ئۆتكەن يىلى چەت ئەل شىركەتلىرىنىڭ خىتايغا بىۋاسىتە سالغان يېڭى مەبلىغى ئۈچ يىلدىن بۇيانقى ئەڭ تۆۋەن سەۋىيەگە چۈشۈپ قالغان.
تەييارلىغۇچى: ئابدۇخەبەر رەجەپ