- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ياپونىيە سىياسەتچىلىرى: خىتاي سېنكاكۇ ئارىلىدىكى لەيلىمە بەلگىنى ئېلىۋېتىشى كېرەك
ياپونىيە لىبېرال دېموكراتچىلار پارتىيەسى ياپونىيە ھۆكۈمىتىنى خىتايدىن سېنكاكۇ ئارىلىغا يېقىن جايدىكى لەيلىمە بەلگىنى ئېلىۋېتىشنى يەنە بىر قېتىم تەلەپ قىلىشقا چاقىردى.
فىرانسىيە خەلقئارا رادىيوسىنىڭ 1-فېۋرال خەۋىرىدە بىلدۈرۈلۈشىچە، ياپونىيەدە ھاكىمىيەت يۈرگۈزۈۋاتقان لىبېرال دېموكراتچىلار پارتىيەسى ھۆكۈمەتنىڭ خىتايدىن سېنكاكۇ ئارىلى ئەتراپىدىكى لەيلىمە بەلگىنى ئېلىۋېتىشنى يەنە بىر قېتىم تەلەپ قىلىشىنى ئۈمىد قىلغان.
ياپونىيە لىبېرال دېموكراتچىلار پارتىيەسىنىڭ تاشقى ئىشلار گۇرۇپپىسى 1-فېۋرال پارتىيە مەركىزىدە يىغىن ئاچقان بولۇپ، پارتىيەنىڭ تاشقى ئىشلار گۇرۇپپىسىنىڭ رەھبىرى ھىسايۇكى فۇجى يىغىندىن كېيىن يۇقىرىقى ئۇچۇرلارنى ئاشكارىلىغان.
لىبېرال دېموكراتچىلار پارتىيەسى ياپونىيەنىڭ خىتاي قويغان لەيلىمە بەلگىنى ئۆزى ئېلىۋېتىشى مۇمكىنلىكىنى كۆزدە تۇتۇپ، ھۆكۈمەتتىن تاشقى سىياسەت جەھەتتە تىرىشچانلىق كۆرسىتىپ، يەتتە دۆلەت گۇرۇھى قاتارلىق خەلقئارالىق ئىتتىپاقلارغا بۇ مەسىلىنى چۈشەندۈرۈشنى تەلەپ قىلغان.
مەلۇم بولۇشىچە، ياپونىيە باش ۋەزىرى فۇمىئو كىشىدا ئۆتكەن يىلى نويابىردا خىتاي رېجىمى رەئىسى شى جىنپىڭ بىلەن بولغان سۆھبەت داۋامىدا، لەيلىمە بەلگىنى دەرھال ئېلىۋېتىشنى تەلەپ قىلغان.
تەييارلىغۇچى : ئابدۇخەبەر رەجەپ