- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئىتالىيەدە ئالدامچىلىق قىلغان 64 خىتاي قولغا ئېلىندى
ئىتالىيەدە 1 مىليارد 700 مىليون ياۋروغا چېتىلغان ئالدامچىلىق دېلوسى ئاشكارىلانغان بولۇپ، بۇنىڭغا مۇناسىۋەتلىك 64 خىتاي پۇقراسى قولغا ئېلىندى.
فىرانسىيە خەلقئارا رادىيوسىنىڭ 25-يانۋار خەۋەر قىلىشىچە، ئىتالىيە ساقچىلىرى بىر مىليارد 700 مىليون ياۋرو قىممىتىدىكى باج ئالدامچىلىقى دېلوسىنى پاش قىلغان. قولغا ئېلىنغان 85 جىنايەت گۇماندارىنىڭ ئىچىدە 64 خىتاي پۇقراسى بار بولۇپ، ئۇلار خىتاينىڭ كۆلەڭگە بانكا سىستېمىسى ئارقىلىق ساختا تالون ياساش ۋە پۇل يۇيۇش جىنايىتى بىلەن ئەيىبلەنگەن.
رويتېرس ئاگېنتلىقىنىڭ خەۋىرىگە ئاساسلانغاندا، ئىتالىيەنىڭ شەرقىي ئادرىئاتىك دېڭىز قىرغىقىدىكى پورت شەھىرى ئانكونادىكى پۇل-مۇئامىلە مۇھاپىزەت ئەترىتى دېلونى تەكشۈرۈش داۋامىدا نەق پۇل، ھەشەمەتلىك ماشىنا ۋە ئۆي-مۈلۈك قاتارلىق 350 مىليون ياۋرو قىممىتىدىكى مۈلۈكنى قولغا چۈشۈرگەنلىكىنى ئېيتقان. ئۇلار يەنە 1569 بانكا ھېساباتىنى توڭلىتىپ، «يالغان تالون تارقاتقان» دەپ گۇمان قىلىنغان 140 شىركەتنى ئېنىقلىغان ھەمدە مىلان ۋە ئۇنىڭ ئەتراپىدىكى لومباردى رايونى، فىلورېنسىيە، پادوۋا ۋە سىسىلىيا ئارىلى قاتارلىق رايونلاردىكى دېلوغا ئالاقىدار مۈلۈكلەرنى توڭلاتقان.
بىلدۈرۈلۈشىچە، ئۆتكەن بىر يىلدا ئىتالىيەدە داۋام قىلغان كۆپ قېتىملىق تەكشۈرۈش خىتاي پۇل بېدىكچىلىرى باشقۇرىدىغان ئىجازەتنامىسى يوق يەر ئاستى پاراللېل بانكا سىستېمىسىغا مەركەزلەشكەن. تەكشۈرۈش دائىرىسى ئىتالىيەنىڭ ئوخشىمىغان رايونلىرىغا چېتىشلىق بولۇپ چىققان بولۇپ، بۇ ئالدامچىلىق دېلوسى زەھەرلىك چېكىملىك ئەتكەسچىلىكى ئۈچۈن چېگرا ھالقىغان چىقىملارنى يوشۇرۇش ۋە باجدىن قېچىشقا ياردەم بېرىش قاتارلىقلارنى ئۆز ئىچىگە ئالىدىكەن. بۇ خىل مەسىلىلەر تەخمىنەن بەش يىل ئىلگىرى تۇنجى قېتىم ئاشكارىلانغان. شۇنىڭدىن كېيىن ئىتالىيە كەم دېگەندە ئالتە زەھەرلىك چېكىملىك گۇرۇھى ۋە خىتاينىڭ پۇل تۆلەش تورىغا مۇناسىۋەتلىك تەكشۈرۈش باشلانغانلىقىنى ئېلان قىلغانىدى.
تەييارلىغۇچى: ئابدۇخەبەر رەجەپ