- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي تەيۋەنگە قارشى قورال كۈچى ئىشلىتىشتىن ۋاز كەچمەيدىغانلىقىنى دەۋا قىلدى
خىتاي رېجىمى چەت ئەلنىڭ ئارىلىشىشى ۋە مۇستەقىلچىلارغا تاقابىل تۇرۇش ئۈچۈن، تەيۋەننى قورال كۈچى ئارقىلىق كونترول قىلىشتىن ۋاز كەچمەيدىغانلىقىنى، ئەمما تەيۋەن خەلقىنىڭ خىتاي كومپارتىيەسىگە بولغان بىر تەرەپلىمە قارىشىدىن ۋاز كېچىشى كېرەكلىكىنى دەۋا قىلدى.
ئامېرىكا ئاۋازىنىڭ 17-يانۋار خەۋەر قىلىشىچە، ئۆتكەن شەنبە كۈنى ئۆتكۈزۈلگەن پىرېزىدېنت سايلىمىدا غەلىبە قىلغان تەيۋەن ھاكىمىيەت بېشىدىكى دېموكراتىك ئىلگىرىلەش پارتىيەسى خىتاي داۋا قىلىۋاتقان ئىگىلىك ھوقۇقى تەلىپىنى رەت قىلىپ، بېيجىڭ بىلەن سۆھبەتلىشىشنى كۆپ قېتىم تەلەپ قىلغان بولسىمۇ، ئەمما خىتاي كومپارتىيەسى بۇ تەكلىپنى رەت قىلغان. خىتاي كوممۇنىست رېجىمى تەيۋەننىڭ يېڭىدىن سايلانغان پىرېزىدېنتى لەي چىڭدېنى خەتەرلىك بۆلگۈنچى ئىكەنلىكىنى دەۋا قىلماقتا.
خىتاي رېجىمى تەيۋەن ئىشلىرى ئىشخانىسىنىڭ باياناتچىسى چېن بىنخۇا چارشەنبە كۈنى بېيجىڭدا ئۆتكۈزۈلگەن قەرەللىك مۇخبىرلارنى كۈتۈۋېلىش يىغىنىدا، تەيۋەننىڭ سايلام نەتىجىسىنىڭ تەيۋەننىڭ خىتاينىڭ بىر قىسمى ئىكەنلىكىدەك ئورنىنى تەۋرىتەلمەيدىغانلىقىنى، ئاخىرىدا تەيۋەننىڭ خىتايغا قوشۇۋېلىنىدىغانلىقىنى دەۋا قىلغان.
چېن بىنخۇا باياناتىدا: «بىز قورال كۈچى ئىشلىتىشتىن ۋاز كېچىش ھەققىدە ۋەدە بەرمەيمىز. بۇ بايانىمىز ئەلۋەتتە تەيۋەن خەلقىگە قارىتىلمىغان، بەلكى سىرتقى كۈچلەرنىڭ ئارىلىشىشى ۋە ئىنتايىن ئاز ساندىكى تەيۋەن مۇستەقىللىقىنى نىشان قىلغان بۆلگۈچىلەر ۋە ئۇلارنىڭ بۆلگۈنچىلىك ھەرىكىتىگە قارىتىلىدۇ» دەپ جار سالغان.
تەييارلىغۇچى: ئابدۇخەبەر رەجەپ