- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
رويتېرس ئاگېنتلىقى: خىتاي ئامېرىكىنىڭ چەكلىمىسىگە قارىماي Nvidia دىن ئىلغار ئۆزەكلەرگە ئېرىشتى
رويتېرس ئاگېنتلىقى ئامېرىكىنىڭ خىتايغا قويغان ئېكسپورت چەكلىمىسىگە قارىماي، خىتاينىڭ ھەربىي ئورگانلىرى ۋە دۆلەت ئىگىلىكىدىكى ئورگانلىرىنىڭ يەنىلا Nvidia نىڭ ئىلغار ئۆزەكلىرىگە ئېرىشكەنلىكىنى ئاشكارىلىدى.
ئامېرىكا ئاۋازىنىڭ بۈگۈنكى خەۋىرىدە بىلدۈرۈلۈشىچە، ئامېرىكا ھۆكۈمىتى ئىلغار يېرىم ئۆتكۈزگۈچ تېخنىكىسى ۋە ئۆزەكلەرنىڭ خىتايغا ئېكسپورت قىلىنىشىنى قاتتىق كونترول قىلغان بولسىمۇ، ئەمما رويتېرس ئاگېنتلىقى خېرىدار چاقىرىش ھۆججىتى ۋە باشقا ھۆججەتلەرنى تەكشۈرۈش ئارقىلىق، خىتاينىڭ ھەربىي ئورگانلىرى، دۆلەت ئىگىلىكىدىكى سۈنئىي ئىدراك تەتقىقات ئورۇنلىرى ۋە ئۇنىۋېرسىتېتلىرىنىڭ ئۆتكەن بىر يىلدا يەنىلا ئامېرىكىنىڭ خىتايغا ئېكسپورت قىلىشنى چەكلىگەن Nvidia نىڭ ئىلغار يېرىم ئۆتكۈزگۈچ ئۆزەكلىرىنى مەلۇم مىقداردا سېتىۋالغانلىقىنى بايقىغان.
رويتېرس ئاگېنتلىقى 15-يانۋار ئېلان قىلغان مەخسۇس خەۋەردە كۆرسىتىلىشىچە، خىتاي بۇ ئىلغار ئۆزەكلەرگە ئانچە تونۇشلۇق بولمىغان تەمىنلىگۈچىلەر ئارقىلىق ئېرىشكەن بولۇپ، خىتاينىڭ ھەربىي ئورگانلىرى ۋە دۆلەت ئىگىلىكىدىكى تەتقىقات ئاپپاراتلىرى مەزكۇر ئىلغار ئۆزەكلەر ئارقىلىق سۈنئىي ئىدراك تەتقىقاتىدا بۆسۈش ھاسىل قىلىشى ياكى بۇلارنى خىتاي ئارمىيەسىنىڭ ئالاھىدە مۇرەككەپ كومپيۇتېرلىرىدا ئىشلىتىشى مۇمكىن ئىكەن.
خىتاي ئېرىشكەن بۇ ئىلغار ئۆزەكلەر A100 ۋە تېخىمۇ ئىلغار H100 ئۆزىكىنى ئۆز ئىچىگە ئالىدىغان بولۇپ، ئامېرىكا ھۆكۈمىتى 2022-يىلى 9-ئايدىن باشلاپ بۇ ئىككى خىل ئۆزەكنىڭ خىتايغا ئېكسپورت قىلىنىشىنى چەكلىگەن. خىتاي سېتىۋالغان ئۆزەكلەر يەنە Nvidia شىركىتى مەخسۇس خىتاي بازىرى ئۈچۈن تېخنىكىلىق ئۆلچىمىنى تۆۋەنلىتىپ ياسىغان A800 ۋە H800 دىن ئىبارەت ئىككى ئۆزەكنى ئۆز ئىچىگە ئالىدىغان بولۇپ، ئامېرىكا ھۆكۈمىتى بۇ ئىككى ئۆزەكنىڭ خىتايغا ئېكسپورت قىلىنىشىنىمۇ بۇلتۇر ئۆكتەبىردە چەكلەشكە باشلىغان.
رويتېرس ئاگېنتلىقىنىڭ بىلدۈرۈشىچە، بۇ قېتىملىق بايقاش ئامېرىكىنىڭ ئىلغار يېرىم ئۆتكۈزگۈچ تېخنىكىسى ۋە ئۆزەك بىلەن تەمىنلەش زەنجىرىنى ئۈزۈل-كېسىل كونترول قىلىشىنىڭ قانچىلىك قىيىنلىقىنى كۆرسىتىپ بېرىدىكەن.
تەييارلىغۇچى: ئابدۇخەبەر رەجەپ