- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئىسرائىلىيەنىڭ غەززەدىكى ئىرقىي قىرغىنچىلىقى ھەققىدە ئىسپات ئاڭلاش باشلاندى
جەنۇبىي ئافرىقىنىڭ ئىسرائىلىيەنى «ئىرقىي قىرغىنچىلىق» جىنايىتى بىلەن بىرلەشكەن دۆلەتلەر تەشكىلاتىنىڭ ئەڭ يۇقىرى ئەدلىيە ئورگىنىغا ئەرز قىلىش دېلوسى ھەققىدىكى ئىسپات ئاڭلاش بۈگۈن گوللاندىيەگە جايلاشقان خەلقئارا جىنايى ئىشلار سوت مەھكىمىسىدە باشلاندى.
فىرانسىيە خەلقئارا رادىيوسىنىڭ خەۋىرىدە بىلدۈرۈلۈشىچە، خەلقئارا جىنايى ئىشلار سوتىغا سۇنۇلغان 84 بەتلىك ئەرزنامىدە، خەلقئارا سوت ئىسرائىلىيەنىڭ ئىرقىي قىرغىنچىلىق شەكىللەندۈرىدىغان بارلىق ھەربىي ھۇجۇملارنى دەرھال توختىتىش ۋە غەززە خەلقىگە قىلىۋاتقان ھۇجۇمىنى توختىتىش ھەققىدە تېزدىن بۇيرۇق چۈشۈرۈشكە چاقىرىلغان. ئەمما سوتچىلار بۇ دېلوغا بىر نەچچە ئايدىن كېيىن ئاندىن ھۆكۈم چىقىرىدىكەن.
بىلدۈرۈلۈشىچە، بۇ جەنۇبىي ئافرىقا جۇمھۇرىيىتىنىڭ تۇنجى قېتىم خەلقئارا جىنايى ئىشلار سوت مەھكىمىسىگە ئەرز سۇنۇشى بولۇپ، جەنۇبىي ئافرىقا خەلقئارا ئادۋوكاتلىق ئورنى «Doughty Street Chambers»نىڭ ھەمكارلاشقۇچىسى جون دۇگارد، ئامال كىلۇنى قاتارلىق داڭلىق ئادۋوكاتلارنى ئەۋەتكەن. جون دۇگارد ئىلگىرى بىرلەشكەن دۆلەتلەر تەشكىلاتىنىڭ پەلەستىندىكى كىشىلىك ھوقۇق مەسىلىسى ئالاھىدە دوكلاتچىسى بولغان. ئادۋوكات ۋەكىللەر ئۆمىكىدە يەنە جەنۇبىي ئافرىقىنىڭ سابىق پىرېزىدېنتى جاكوب زۇمانىڭ تۈرمىگە سولىنىش دېلوسىغا قاتناشقان تېمبېكا نىگكۇكايتوبىمۇ بار ئىكەن. جەنۇبىي ئافرىقا ئەدلىيە مىنىستىرى رونالد لامولامۇ جەنۇبىي ئافرىقىنىڭ ئىسرائىلىيەنى ئەيىبلىشىنى قوللاش ئۈچۈن، ۋەكىللەر ئۆمىكىنى باشلاپ، مەزكۇر سوتقا قاتنىشىدىكەن.
تەييارلىغۇچى: ئابدۇخەبەر رەجەپ